Чилининг марказий ва жанубий ҳудудларида содир бўлган ўрмон ёнғинлари оқибатида камида 22 киши ҳалок бўлди, деб хабар бермоқда RTVE мамлакат ички ишлар вазири Каролина Тоага таяниб.
Вазирнинг таъкидлашича, ҳалок бўлганларнинг аксарияти Био-Био ҳудудида (16 киши), беш киши Арауканияда, бир киши Нюблда қайд этилган. “Қурбонлар сони ҳар дақиқада ўзгариб бормоқда, чунки вазият жуда оғир”, — деди у.
554 киши жароҳатланган. Улардан 16 нафарининг аҳволи оғир.
Чили Ички ишлар вазирлиги маълумотларига кўра, ёнғинлар оқибатида 45 минг гектардан ортиқ майдон ёниб кетган. 251 та ёнғин ўчоғи фаоллигича қолмоқда. “Бир ҳафта ичида одатда бир йилда кузатиладиганиден кўпроқ ер ёнди” , — деди Тоа.
Био-Био, Нюбл ва Араукания ҳудудларида фавқулодда ҳолат эълон қилинди. Расмийлар Мексика, Аргентина, Бразилия, Уругвай ва Испаниядан ёнғинларни ўчиришда ёрдам сўраган. Чили президенти Габриэль Борик аргентиналик ҳамкасби Альберто Фернандесга асбоб-ускуналар ва одамлар юборгани учун миннатдорлик билдирди.
Изоҳ (0)