Британиянинг Times Travel нашри Wилд Frontierс туризм компанияси томонидан тавсия этилган 2023 йилда ёлғиз саёҳат қилиш учун энг яхши мамлакатлар рўйхатини эълон қилди. Улар орасида Ўзбекистон ҳам бор.
Нашр Ўзбекистонни Буюк ипак йўлида жойлашган ўзига хос мамлакат деб атади ва ушбу қадимий йўл бўйида жойлашган Самарқанд, Бухоро, Хива, Тошкент шаҳарларини туялар карвонини эслатувчи манзилгоҳлар сифатида санаб ўтди.
“Бундан ташқари, сиз тоғларда вақт ўтказасиз, кичик оилавий меҳмонхонада бўлиб, чекка қишлоқларда сайр қиласиз ва бу жараёнда шаҳар ҳаётидан узоқда анъанавий турмуш тарзини ўрганасиз”, — дейилади таърифда.
Рўйхатда, шунингдек, Италия, Япония, Греция, Франция, Миср ва яна кўплаб мамлакатлар санаб ўтилган.
Аввалроқ Буюк Британиянинг IlmFeed нашри Ўзбекистонга қилинган сафардан таассуротлари билан бўлишганди. “Ўзбекистонга ташриф буюриш керакми?” деб номланган тред остида мамлакатнинг шаҳарлари ва одамларидан тортиб, тарихи ва динигача бўлган жиҳатларига алоҳида тўхталиб ўтилган.
Изоҳ (0)