Ташқи кўринишидан ёши каттароқ кўриниш учун кичик бир элемент ҳам кифоя қилади. Шунинг сабабли ёшингизга ёш қўшмаслик учун нимага алоҳида эътибор бериш кераклигига тўхталамиз.
Ингичка ёки тўқ гардишли кўзойнаклар
Агар кўриш қобилияти ёмонлашган бўлса ва сизга кўзойнак керак бўлса, унда ингичка ва арзон гардишлар ўрнига каттароқ вариантларни синаб кўриш, юзингизни таъкидлашга ёрдам берадиган ранглар билан тажриба қилиб кўрган маъқул. Муҳими, қора ва жигарранг гардишлар ёшга ёш қўшади, айниқса, агар унчалик пардоз қилмасангиз.
Тўқ рангли кийим, айниқса, қора
Қора бу — деярли ҳамма нарсага мос келадиган асосий ранг. Аммо бу уни ҳар доим ва ҳамма жойда кийиш керак, дегани эмас. Вояга етганда, у ташқи кўринишнинг ноқулай жиҳатларини таъкидлаши мумкин. Аммо кўпчиликка мос келадиган ранглар мавжуд: фирузаранг, пушти, кулранг, тўқ кўк, мовий.
Катта гулли кийимлар
Образни енгил ва янги қилиш учун катта гулли принтлар ўрнига кичикроқ ва камроқ ёрқин рангларни танлаган яхши.
Фарқнинг очилиши
Ёш ўтган сари сочлар сийраклашиб, аввалги ҳажмини йўқотади, аммо бу фожиа эмас. Стилистлар вақти-вақти билан фарқ очишни ўзгартиришни маслаҳат беришади: бу усул сочларни визуал равишда янада ёрқинроқ қилади.
Кўзни бўяш
Ёшни каттароқ қилиб кўрсатадиган яна бир нарса — бу тўқ тен, подводка ва қора қалам. Енгил тенлар образни янгилайди, аммо жуда ёрқин ва қуюқ рангларнинг ҳам муҳим камчиликлари бор: мимик ажинлар пайдо бўлганда, улар жуда тартибсиз кўринади.
Катта ва оғир ҳалқали сирғалар
Катта ва қалин кумуш ёки олтин ҳалқали сирғалар ҳам ёшга ёш қўшиши мумкин. Айниқса, агар оғирлиги натижасида қулоқни кучли тортиб турса.
Эскирган поябзал моделлари
Замонавий кўриниш учун қулайликни қурбон қилиш шарт эмас, чунки янги поябзаллар орасида ҳар доим кийиш учун қулай вариантни топиш мумкин.
Қуруқ қўл териси
Кўриниб турибдики, тери ёшга қараб ўзгаради ва уни парвариш қилишни тўхтатмаслик керак. Совуқ, иссиқ ёки қаттиқ сув таъсирида қўл териси қурийди ва хиралашади. Натижада ҳатто чиройли маникюр билан ҳам образ жуда кўнгилдагидек бўлмайди.
SPF кремлар ултрабинафша нурлардан ҳимоя қилишга ёрдам беради ва карбамид каби намлантирувчи моддалар қуруқликка қарши курашда ёрдам беради.