Банандан одатда смузи, коктейл ва турли хил ширинликлар тайёрланиши, қолаверса, ўзи ҳам истеъмол қилиниши мумкин. Лекин ушбу меванинг яна бир қанча фойдали жиҳатлари ҳам бор. Lifehacker нашри улардан бир нечтасини санаб ўтди.
Юз учун ниқоб тайёрланг
Терини намлантириш ва юмшатиш учун дўконда сотиб олинган ниқобларга банан яхши альтернатив. Бунинг учун пишган банан майдаланади, юз ва бўйинга юпқа қатлам қилиб суртилади. Ниқоб 10-20 дақиқа ушлаб турилади ва кейин совуқ сув билан ювилади. Кўпроқ намлантириш учун бананни чорак стакан шакарсиз ёгурт ва икки ош қошиқ асал билан аралаштириш мумкин.
Кумуш идишлар ва чарм поябзаллар учун
Бу ҳазилга ўхшайди, лекин банан пўсти кумуш ва чармнинг ёрқинлигини тиклашга ёрдам беради. Қобиқнинг ички қисмидаги ортиқча толалар олиб ташланиб, идиш ёки поябзал юзасига суртилади. Кейин қоғоз сочиқ ёки юмшоқ мато билан қуритилади.
Гўштни янада юмшоқ қилиб пишириш мумкин
Пишган бананнинг пўсти гўшт билан бирга идишга солинади ва одатдагидек пиширилади. Ундаги ферментлар гўшт таркибидаги оқсилларни парчалашга ва қовуриш пайтида уни юмшатишга ёрдам беради. Бу таомнинг таъмини ўзгартирмайди.
Хонаки ўсимликларни тозаланг
Агар хона гулларининг барглари хиралашган ва чанг йиғган бўлса, уларга сув пуркашга шошилманг. Бу чангларнинг суркалишига олиб келади. Бунинг ўрнига, ҳар бир баргни банан пўстининг ички қисми билан артиб олиш тавсия этилади.
Кўчатларни озиқлантиринг
Банан ва уларнинг пўстида жуда кўп калий бор, унда ўсимлик учун ҳам фойдали бўлган муҳим озуқа моддаси мавжуд. Пўстлоқ қуритилади, блендерда майдаланади ва экиш пайтида ўсимлик билан бирга экилади. Иккинчи усул бу — янги пўстлоқни сув билан пюре қилиш ва уни суюқ ўгит сифатида ишлатиш мумкин.
Куйганда ёки жароҳат олганда терини тинчлантиради
Банан пўстлоғи яллиғланишга қарши хусусиятларга эга. У терининг зарарланган жойига қўйилади ва бироз босилади. Вақти-вақти билан компресс ўзгартириб турилади.
Сабзавот ва меваларнинг пишишини тезлаштиради
Пишган банан этилен газини ишлаб чиқаради, бу эса тезроқ пишишни келтириб чиқаради. Агар бирор-бир сабзавот тезроқ пишиши керак бўлса, уни банан билан бирга пакетга солиш керак.
Тишларни оқартиради
Тишлар тозалангандан сўнг улар бир неча дақиқа давомида банан пўсти билан тозаланади. Унинг таркибида лимон кислотаси мавжуд бўлиб, у тиш эмалини оқартиради.
Жиғилдон қайнашини енгиллаштиради
Банан ишқорий маҳсулот бўлиб, гидроксид ошқозон кислотасини зарарсизлантиради. Жиғилдон қайнашидан азият чексангиз, ушбу мевани кундалик рационга қўшиш тавсия этилади. Масалан, кун бўйи ошқозон деворларини ҳимоя қилиш учун нонушта қилгандан кейин банан истеъмол қилишни унутманг.
Мавзуга доир: