Аёлларнинг сумкаси, диван ораси, стол усти ёки шунга ўхшаш жойларда “невидимка” заколкасига кўзингиз тушса, демак, ундан бошқа мақсадларда ҳам фойдаланилган. “Новий очаг” нашри қуйида уларнинг бир нечтасини санаб ўтди.
Замонавий маникюр яратиш мумкин
“Невидимка” ёрдамида ҳозирда долзарб бўлган нуқталар билан маникюр қилиш мумкин.
Тиш пастасидан унумли фойдаланиш
Визажист ва косметологлар найчалардаги маҳсулотлардан тежамкорлик билан фойдаланиш имконини берувчи махсус сиқиш воситасига эга. Улар ҳамма уйдан ҳам топилмаслиги мумкин, шунинг учун бунга пул сарфлашнинг кераги йўқ. Шунчаки “невидимка”лар ҳам айнан шу вазифани бажаради.
Хатчўп ўрнида фойдаланиш
Саҳифаларни буклаб қўйишнинг кераги йўқ. “Невидимка” — мукаммал хатчўп вазифасини ҳам бажаради.
Маҳкамлаш
Шим, пальто ёки юбканинг бирор қисми йиртилган бўлса, уни тикиш учун ҳеч нарса топилмаганда, вақтинча “невидимка”лар ёрдамга келади.
Қисқич ўрнида фойдаланиш мумкин
Ёнингиздаги чипс, печенье ёки шунга ўхшаш егуликлар қадоғи очилганми? Ортиқча “невидимка” уларни маҳкамлашга ва тўкилиб кетмаслигига ёрдам беради.
Михларни жойида ушлаб туради
Агар мих қоқишда бармоқларни болға билан уришдан қўрқсангиз, уни “невидимка” билан жойидан қимирлатмай ушлаб туриш мумкин.
Скотчни белгилаш
Одатда скотчнинг бош қисмини топиш доимо вақт талаб қилган. Шошилган вақтда бундай муаммога дуч келмаслик учун фойдалангандан сўнг дарҳол “невидимка” билан белги қўйиш мумкин.
Қопқоқларни очиш мумкин
Биласизми, пластик қопқоқларни банкалардан олиб ташлаш ҳар доим ҳам осон эмас. Ингичка нарсалар эса бу борада ёрдам беради, масалан, “невидимка”.
Мавзуга доир:
- Қўл меҳнати: Зерикарли шарф ёки пайпоқларни эмас, балки ҳақиқий санъат асарларини тўқийдиган инсонларнинг ижодидан намуналар (фото)
- Чангюткич ёрдамида буюмларни топиш, бўш қутилардан унумли фойдаланиш ва рўзғор ишларида асқатадиган бошқа лайфхаклар (фото)
- Қандолат қоғозидан фойдаланишнинг кўпчиликка номаълум усуллари (фото)
Изоҳ (0)