Россия Қуролли кучлари Беларусь ҳудудига ўқув машғулотлари учун янги ҳарбий қисмларни жойлаштирди. Бу ҳақда Украина Давлат чегара хизмати спикери Андрей Демченкога таяниб, “Фокус.уа” хабар берди.
Чегара хизматининг маълум қилишича, Беларусь ҳудудида Россиянинг 9 мингга яқин аскари бор.
“Аввалроқ уларнинг сони бирмунча кўплигини қайд этгандик. Аммо тайёргарликдан ўтган бўлинмалар кейинчалик ҳарбий ҳаракатлар кетаётган ҳудудларга ўтказиш учун Россия ҳудудига қайтарилди", — деди Демченко.
Таъкидланишича, Беларусь билан чегарадаги вазият тўлиқ назорат остида қолмоқда. Жойлаштирилган бўлинмалар ҳали чегара яқинида кузатилмаган, улар асосан Беларусь полигонларига жойлашган. Шу билан бирга, Беларусда ҳам авиация компонентининг машқлари ўтказилмоқда, бу катта эҳтимол билан 1 февралгача давом этади.
Мавзуга доир:
Изоҳ (0)