Rossiya Belarusga yangi harbiy qismlar joylashtirdi — Ukraina chegara xizmati
Rossiya Qurolli kuchlari Belarus hududiga o‘quv mashg‘ulotlari uchun yangi harbiy qismlarni joylashtirdi. Bu haqda Ukraina Davlat chegara xizmati spikeri Andrey Demchenkoga tayanib, “Fokus.ua” xabar berdi.
Chegara xizmatining ma’lum qilishicha, Belarus hududida Rossiyaning 9 mingga yaqin askari bor.
“Avvalroq ularning soni birmuncha ko‘pligini qayd etgandik. Ammo tayyorgarlikdan o‘tgan bo‘linmalar keyinchalik harbiy harakatlar ketayotgan hududlarga o‘tkazish uchun Rossiya hududiga qaytarildi", — dedi Demchenko.
Ta’kidlanishicha, Belarus bilan chegaradagi vaziyat to‘liq nazorat ostida qolmoqda. Joylashtirilgan bo‘linmalar hali chegara yaqinida kuzatilmagan, ular asosan Belarus poligonlariga joylashgan. Shu bilan birga, Belarusda ham aviatsiya komponentining mashqlari o‘tkazilmoqda, bu katta ehtimol bilan 1-fevralgacha davom etadi.
Mavzuga doir:
- “Rossiyadan namuna olib”. Belarusda “Vagner” guruhining analogi yaratilyaptimi?
- Pentagon: Belarus Ukrainadagi nizoga qo‘shilmoqchi emas
- Belarusning Ukraina bilan chegarasida Rossiya 10 mingga yaqin harbiy yig‘gani aytilmoqda
