АҚШнинг юқори мартабали генерали Буюк Британия Мудофаа вазири Бен Уоллесга Британия армияси энди юқори даражадаги жанговар куч сифатида қаралмаслигини айтди. Бу ҳақда Sky News хабар берди.
Америкаликларнинг фикрича, Британия Россиянинг Украинага қарши уруши бошланганидан кейин ҳарбий салоҳиятни ошириш ҳақида қайғуриши керак эди. Бироқ энди “барча хизматчилар Буюк Британия ва иттифоқчиларни ўн йил давомида ҳимоя қилолмайди".
“Британия бош вазири Риши Сунак, агар Россия ва Путин томонидан хавфсизликка таҳдид кучайиб бораётганини ҳисобга олиб, шошилинч чоралар кўрмаса, бош вазир лавозимини йўқотиш хавфи бор”, — дейди америкалик ҳарбийлар.
Буюк Британия Мудофаа вазирлиги ўз армиясининг асосий муаммоларини санаб ўтди:
- Британия қуролли кучларида уруш бошланганидан кейин “бир неча кун ичида” ўқ-дорилари тугайди.
- Британия ўз осмонини Украина ҳозирда чидаб келаётган ракета ва дрон ҳужумларидан ҳимоя қилолмайди.
- Армияга танклар, артиллерия ва вертолётлар томонидан қўллаб-қувватланадиган 25-30 минг кишидан иборат жанговар дивизияни тузиши учун беш-ўн йил керак бўлади.
- Британиянинг юқори тайёргарлигидаги кучларининг 30 фоизга яқини заҳирадагилар бўлиб, улар НАТО томонидан белгиланган муддатларда сафарбар бўлолмайди.
- Армия зирҳли техника паркининг аксарияти, жумладан, танклар бундан 30-60 йил олдин яратилган ва яқин йилларда уларни тўлиқ алмаштириш кутилмаяпти.
Расмийлар Сунакнинг Украинага янги турдаги қуроллар берилишини эълон қилар экан, ўз навбатида Британия ҳарбий омборларини тўлдириш режалари ҳақида сукут сақлаётганидан хавотирда. Ҳозирда Британия армиясида бор-йўғи 76 минг киши бор, аммо кучлар бундан 73 минг кишигача қисқартирилиши мумкин.
Мавзуга доир:
Изоҳ (0)