АҚШ қўшинлари Афғонистонни тарк этиш чоғида ташлаб кетган қурол-яроғлар Кашмирдаги жангарилар қўлида кўриниш берди. Бу ҳақда маҳаллий манбаларга таяниб, NBC хабар берди.
“АҚШ қўшинларининг Афғонистонни тарк этиши чоғида қолдирган қуроллари яна бир можарода пайдо бўлиб, Жанубий Осиёнинг баҳсли Кашмир минтақасидаги жангариларни қуроллантиришда давом этмоқда”, — дейилади хабарда.
Экспертлар фикрига кўра, мазкур қуроллар “глобал саёҳати”нинг бошланиши бўлиши мумкин. Маҳаллий ҳукуматга кўра, минтақадаги жангарилар М4 автоматлари, М16 милтиқлари ва Америкада ишлаб чиқарилган бошқа қуроллардан фойдаланмоқда, улар авваллари бундай можарода деярли учрамаган.
Таъкидлашича, бунга асосий сабаб 2021 йилда “Толибон” қўлига ўтган Америка қуроллари оқимидир. Шу пайтгача қўлга киритилган Америка қуролларининг аксарияти “Жайши Муҳаммад” экстремистик гуруҳи ва “Лашкари Тайба” террорчилик гуруҳи жангарилари томонидан қўлланилгани айтилмоқда.
Сринагардаги қуролли кучлар вакили подполковник Эмрон Мусавийнинг айтишича, ҳар икки гуруҳ жангарилари АҚШ кучлари Афғонистондан чиқиб кетишидан олдин “Толибон” сафига машқ қилиш учун юборилган.
“Улар ташлаб кетилан қуролларга эга бўлган деб тахмин қилиш мумкин”, — деди Мусавий.
2021 йил августида АҚШ ҳарбийларио Афғонистонни тарк этаётганда у ерда 7,1 миллиард доллардан ортиқ ҳарбий техника қолдириб кетган.
Изоҳ (0)