Vengriya prezidenti NATOni Ukrainadagi urushga aralashmaslikka chaqirdi
NATO Ukrainadagi urushga aralashmasligi kerak, dedi Vengriya prezidenti Katalin Novak Budapeshtda xorijiy elchilar bilan uchrashuvda.
“Biz bu masalada pragmatik bo‘lishimiz kerak, lekin Yevropaning omon qolishi haqida ham o‘ylash zarur. Shimoliy Atlantika shartnomasi tashkiloti urushdan chetda turishi, hissiyotlarga berilmasligi va mojaroga aralashmasligi lozim”, — dedi Novak.
Davlat rahbari Vengriya boshqa mamlakatlarning qarorlarini tushunishini ta’kidladi.
“Buning evaziga u xuddi shunday munosabat — o‘z madaniyati va qarorlariga boshqalar tomonidan hurmat kutadi”, — deya yakunladi u.
Vengriya NATOga a’zo davlat.
Rossiyaning Ukrainada bosqini boshlanganidan keyin Yevropa Ittifoqi Rossiyaga qarshi sanksiyalar kiritdi. Shu sababli, Moskva YIga a’zo Vengriyani ham do‘st emas deb tasnifladi. Shu bilan birga, Budapesht Kiyevga qurol yetkazib berishdan bosh tortdi va boshqalarning harbiy yordamini o‘z hududidan o‘tkazishni taqiqladi.
