Қиш мавсумида тишларга алоҳида парвариш керак: паст ҳароратда улар янада сезгир бўлади. Тиш шифокори қишда тишлар ёмонлашишининг 4 сабабини маълум қилди.
Стоматолог-ортопед Евгения Бойсова табассумнинг хунуклашишига сабаб бўладиган омиллар ҳақида гапириб берди.
Нотўғри нафас оласиз
Агар совуқда сиз фақат оғзингиз билан нафас олсангиз, нафас олинаётган ҳаво илимаган ҳолда оғиз бўшлиғига киради. Бу оғриқли ҳис-туйғуларга сабаб бўлади, эмалда микро ёриқлар мавжуд. Шу боис совуқ мавсумда, бурун орқали нафас олиш яхшидир.
Бурун билан нафас олишнинг имкони бўлмаган пайтларда уйдан чиқишдан олдин бурун спрейи фойдаланиш тавсия этилади.
Парҳезни бузасиз
Қиш — корпоратив базмлар, узоқ дам олиш кунлари ва байрамона зиёфатлар билан бирга келадиган бошқа таътиллар вақти. Бу вақтда биз одатдаги овқатдан воз кечамиз. Рационимизга ўз-ўзидан кўп миқдорда нордон мевалар (масалан, мандарин ва ананас) ва ширин таомлар — шоколад ва ширинликлар кириб келади.
Шакар ва фруктоза оғиз бўшлиғидаги организмлар учун асосий озиқ моддалар бўлганлиги сабабли, бу даврда кариес ривожланиш хавфи сезиларли даражада ошади. D витамини етишмовчилиги, мувозанатсиз овқатланиш ва минералларнинг миқдорда эмаслиги тиш эмалининг юпқалашишига олиб келади ва клетчаткага бой маҳсулотларининг талаб даражасида эмаслиги тишларнинг табиий тозаланишига имкон бермайди.
Сиз совуқда иссиқ ичасиз
Қишда тишларингизни ҳароратнинг кескин ўзгаришидан ҳимоя қилиш муҳимдир. Совуқда иссиқ ичимликлар ичиш эмалнинг юпқалашиши ва ёрилишига олиб келади. Бу эса ўз навбатида тиш сезгирлигини оширади.
Иммунитетингиз пасаяди
Совуқ ҳавода шамоллаш мавсуми бошланади, бунинг натижасида иммунитет пасаяди. Бу оғиздаги сурункали касалликларни кучайтиради. Шунинг учун ҳар қандай, ҳатто, бир қарашда аҳамиятсиз туюлган оғриқли ҳислар билан дарҳол тиш шифокорига мурожаат қилиш муҳимдир.
П.С.
Қиш ойларида тишларингиз ва оғзингизни соғлом сақлаш учун уйда яхши парвариш қилишни одат қилинг. Ва бу эрталаб ва кечқурун кунига икки марта тишларни мунтазам равишда чўткалашни ўз ичига олади. Ирригатордан фойдаланиш эса тишларнинг бир-бирига бириккан жойдаги бўшлиқларни тозалайди ва тўқималар касалликларининг олдини олади. Бундан ташқари, тиш пастасини тўғри танлаш ҳам муҳимдир. Қоида тариқасида, қишда нозик тишлар учун махсус пасталарни танлаш самаралидир.
Улар оғриқ чақириши мумкин бўлган очиқ дентин найчаларини ёпиш орқали эмални озиқлантиради ва ҳимоя қилади. Иссиқ кийиниш, кўп суюқлик ичиш, мувозанатли овқатланиш, витаминлар, озуқавий моддалар ва мунтазам спорт билан шуғулланиш иммунитет тизимини мустаҳкамлайди, организмдаги камчиликларни бартараф этишга ёрдам беради, шу билан бирга тишларимизни соғлом ва қишки совуққа чидамли қилади.
Мавзуга доир:
Изоҳ (0)