Қиш мавсумида тез-тез шамоллашга дуч келамиз. Сиз таомномангиз ёрдамида саломатлигингизни мустаҳкамлашингиз ва яллиғланиш жараёнларининг олдини олишингиз мумкин. Масалан, қимматбаҳо зираворни ҳар куни истеъмол қилишни бошлаш орқали.
Нима учун “қимматбаҳо”? Чунки бугун зарчава хусусида гаплашамиз! Тўқ тилла-ранг бу зираворни кучли шифобахш таъсири туфайли баъзан “Ҳиндистон олтини” деб ҳам аталади.
Ўзининг она ватанида зарчава турли мақсадларда ишлатилади. У озиқ-овқат ва ичимликлар, косметика ва дори-дармонларга қўшилади, шунингдек, табиий антибиотик сифатида ҳисоблаб, зарчава ўз ҳолича истеъмол қилинади.
Кўплаб тадқиқотлар давомида олимлар бу зираворнинг ўткир яллиғланишга қарши таъсирини бир неча бор исботладилар — ҳатто, саратон билан оғриган беморларда ҳам. Зарчава ошқозон-ичак тракти ва жигар касалликлари ва артрит хасталиги бор беморларнинг кундалик таомномасига қўшиш учун буюрилади.
Айниқса, бу зиравордан об-ҳаво совуқ бўлган пайтда фойдаланиш тавсия этилади. Антибиотиклар сингари, у патоген бактериялар билан курашади, иммунитет ҳужайраларининг ўсишини рағбатлантиради, одамнинг ўзини яхши ҳис қилишига ёрдам беради. Шу билан бирга, зарчава фойдаланиш учун деярли ҳеч қандай қарши кўрсатмага эга эмас!
Зарчаванинг шифобахш таъсирини сезиш учун оч қоринга 1 чой қошиқ зираворни бир стакан илиқ сувга қўшиб ичиш билан бирга олиш тавсия этилади. Ёки ётишдан олдин уни махсус ичимлик сифатида қабул қилишингиз. Масалан, асал ва илиқ сутга зарчава қўшилган аччиққина ичимлик дам олдиради ва тезда уйқуга кетишига ёрдам беради.
Мавзуга доир: