Ернинг ички ядроси мантия ва сиртга нисбатан айланишни тўхтатди, эҳтимол тескари йўналишда ҳаракатлана бошлаган бўлиши мумкин. Бу ҳақда Пекин университети олимларига таяниб, The New York Times хабар берди.
Хитойлик тадқиқотчилар бир неча йиллар давомида сейсмик маълумотларни таҳлил қилди. Натижа 2009 йилгача сейсмик тўлқинлар ички ядро орқали турли тезликларда ўтгани, аммо кейин вақт фарқи йўқолганини кўрсатди.
“Бу шуни англатадики, ички ядро мантия ва сиртга нисбатан айланишни тўхтатди”, — дейди илмий иш қатнашчиси И Ян.
Бир мунча вақт ўтгач, тўлқинлар тезлигидаги фарқ қайтган, шу орқали олимлар ядро ҳаракатланмоқда деган хулосага келди. Уларнинг фикрига кўра, ядро тескари йўналишда айланади.
Тадқиқот муаллифлари Ер ядроси тахминан ҳар 35 йилда тескари йўналишда айлана бошлайди, деган хулосага келди. Ҳозирча бунга қандай механизмлар сабаб бўлаётгани ва сайёра ичида қандай жараёнлар юз бераётгани аниқ эмас.
Мавзуга доир:
Изоҳ (0)