“Дарё” нашри 24 январда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Жанубий Африка республикаси Россия ва Хитой билан қўшма ҳарбий машғулотларни бошлайди
АQSҲ Жанубий Африка Республикасининг Россия ва Хитой билан қўшма ҳарбий машғулотларда иштирок этиш қароридан хавотирда, деди Оқ уй матбуот котиби Карин Жан-Пьер.
“АQSҲ, аввал ҳам айтганимиздек, Россия Украинага қарши уруш олиб бораётган бир пайтда у билан машғулотлар ўтказадиган ҳар қандай давлатдан хавотирда”, — деган котиб.
19 январь куни Жанубий Африка Республикаси Мудофаа вазирлиги ва ҳарбий фахрийлар Россия ва Хитой билан мамлакат қирғоқларида қўшма машғулотлар ўтказиш режалари ҳақида маълум қилганди. Улар 17 — 27 февралда Ҳинд океанида, Дурбан порт шаҳри ва Ричардс-Бей ҳудудларида ўтказилиши керак. Вазирлик манёврларнинг мақсадини “оператив кўникма ва билим алмашиш” деб атади.
Бундан ташқари, январь ойи ўртасида Беларусь ҳудудида Россия ва Беларуснинг минтақавий қўшин гуруҳлари таркибига кирувчи ҳарбий авиацияси бўлинмаларининг қўшма ўқув машқлари бошланган. Машғулотлар Беларусь ҳарбий-ҳаво кучлари ва ҳаво ҳужумига қарши мудофаа қўшинлари аэродромларида ва полигонларида 16 январдан 1 февралга қадар бўлиб ўтади. Россия томонидан ушбу тадбирларда мамлакат ҳаво-космик кучлари жанговар гуруҳлари қатнашмоқда.
Украинада оммавий кадрлар алмашинуви эълон қилинди
Украина президенти Владимир Зеленский турли даражадаги кадрларни алмаштириш режалари ҳақида маълум қилди. ОАВ маълумотларига кўра, президент офиси раҳбарининг ўринбосари Кирило Тимошенко истеъfogа чиққан, яна бир қанча ҳарбий-фуқаролик маъмуриятлари раҳбарлари лавозимини тарк этиши мумкин.
Бундан ташқари, Испанияда дам олгани учун танқидга учраган Бош прокурор ўринбосари Алексей Симоненко истеъfogа чиқиш ҳақида ариза ёзди.
“Кадрлар бўйича қарорлар аллақачон қабул қилинган, бу вазирликлар ва марказий ҳукуматнинг бошқа тузилмалари ҳамда ҳудудлардаги турли даражадаги раҳбарларга, ҳуқуқни муҳофаза қилиш тизимига тегишли — кимдир бугун, кимдир эртага”, — деган Зеленский веб-сайтида эълон қилинган мурожаатда.
Айнан кимлар истеъfogа чиқиши мумкинлиги ҳақида “Украина ҳақиқати” ўз манбаларига таяниб хабар берди. Нашрнинг ёзишича, Тимошенконинг ўрнини Киев вилояти ҳарбий маъмурияти раҳбари Алексей Кулеба эгаллаши мумкин.
“Бабел” нашрига кўра, Тимошенко вилоят маъмуриятларидан бирини бошқариши мумкин. Суми ва Днепропетровск вилоятлари раҳбарлари, шунингдек, 2022 йилда Россия томонидан аннексия қилинган Украинанинг Запороже ва Херсон вилоятлари маъмуриятлари раҳбарлари истеъfogа чиқиши мумкин.
ЖССТ давлатларни болалар ўлимига сабаб бўлган дориларга нисбатан чора кўришга чақирди
Жаҳон соғлиқни сақлаш ташкилоти (ЖССТ) ёътал сироплари билан боғлиқ болалар ўлими ҳолатларидан сўнг хавфли препаратлардан ҳимоя қилиш учун “тезкор ва келишилган чоралар” кўришга чақирди. Бу ҳақда Reuters хабар берди.
Ташкилот ҳолат юзасидан баёнот бериб, 2022 йилда Гамбия, Индонезия ва Ўзбекистонда 300 дан ортиқ бола, асосан, 5 ёшгача бўлганлар, хавфли таркибий қисмга эга дорилар сабабли ўткир буйрак етишмовчилигидан вафот этганини таъкидлади. Мазкур сироп таркибидаги этилен гликол ва/ёки диэтилен гликол болаларнинг ўлимига сабаб бўлган.
“Бу моддалар ишлаб чиқаришда эритувчи ва антифриз сифатида ишлатиладиган заҳарли кимёвий таркиб бўлиб, уларни оз миқдорда бўлса ҳам қўллаш ўлимга олиб келиши мумкин ва ҳеч қачон дори воситалари таркибида бўлмаслиги керак”, — дейилади баёнотда.
ЖССТ 194 та давлатдан ўлим ҳолатларининг олдини олиш учун чора кўришга чақирди.
Эслатиб ўтамиз, Ўзбекистонда камида 20 нафар бола Ҳиндистонда ишлаб чиқарилган “Док-1 Макс” сиропини истеъмол қилиш ортидан вафот этди. Ҳозирда давлат хавфсизлик хизмати томонидан “Док-1 Макс” препарати билан боғлиқ ҳолат юзасидан жиноят иши қўзғатилган. Ҳиндистон ҳукумати “Док-1 Макс” дорисини ишлаб чиқарган компанияга қарши иш очган.
Компаниянинг сироп ишлаб чиқарилиши тўхтатилган. ЖССТ “Док-1 Макс” ва “Амбронол” дорилари ҳақида огоҳлантирган. Ҳиндистон ҳукумати “Док-1 Макс” дорисини ишлаб чиқарувчи компаниянинг лицензиясини тўхтатган.
Ўзбекистонда ҳокимият органлари ва ҳокимларнинг айрим мажбурият ва ваколати бекор қилинмоқда
Ўзбекистонда маҳаллий давлат ҳокимияти органлари ва ҳокимлар айрим ваколатлардан маҳрум бўлмоқда, деб хабар берди Норма.
Маълум қилинишича, “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун президент томонидан имзоланди.
Киритилаётган ўзгаришлар маҳаллий давлат ҳокимияти органлари, ҳокимлар, божхона органлари, Иқтисодиёт ва молия вазирлиги ваколатларига ҳамда МЧЖни мажбурий аудитдан ўтказиш талабига оид.
Қарорга кўра, маҳаллий давлат ҳокимияти органларида тиббий ёрдам сифатини клиник-статистик стандартларга риоя этилишини назорат қилиш ваколати бекор қилинмоқда
Ҳокимлар уй-жой мулкдорлари ва уй-жойдан фойдаланувчиларидан коммунал хизматлар тўлови ва мажбурий бадалларни тўлаш бўйича қарзларни ундириш тўғрисида даъволар билан судга мурожаат қилиш ваколатидан маҳрум бўлмоқда.
Эндиликда чет давлатларда рўйхатдан ўтказилган ва Ўзбекистон ҳудудида вақтинча фойдаланилаётган транспорт воситаларининг эгалари мажбурий суғурта бўйича мажбуриятларнинг бажариши устидан назоратни божхона органлари амалга оширмайди. Ушбу ваколат давлат ёъл ҳаракати хавфсизлиги хизматида сақланиб қолмоқда.
Вазирлар Маҳкамаси, Молия ва иқтисодиёт вазирлигининг аудиторлик фаолиятини тартибга солиш бўйича айрим ваколатлари нодавлат нотижорат ташкилотларига ўтказилди.
Изоҳ (0)