АҚШ ва Исроил тарихдаги энг йирик ва муҳим қўшма ҳарбий машғулотларни бошлади. Бу ҳақда Reuters хабар берди.
Маълум қилинишича, машғулотларда минглаб ҳарбий хизматчилар, ўнлаб кемалар ва 142 та самолёт, жумладан ядровий бомбардимочи самолётлар иштирок этмоқда. Juniper Оаk деб номланган машғулот 27 январь, жума кунига қадар давом этади.
“Бу Эрон ядро дастури бўйича зиддиятлар фонида АҚШ ва Исроил ҳарбий кучлари ўртасидаги интеграцияни кўрсатиш ва чуқурлаштиришга мўлжалланган. Машқлар кўлами қатор сценарийларни қамраб олади, бундан Эрон ўзи учун баъзи сабоқлар олиши мумкин”, — деди АҚШ Мудофаа вазирлигининг юқори мартабали расмийси.
Икки давлатнинг отишма машқларида 6 500 нафар америкалик аскар ва 1100 дан ортиқ исроиллик аскар иштирок этади. Машғулотларда B-52 бомбардимончи самолётларидан ташқари F-35, F-15, F-16, F-18 қирувчи самолётлари, шунингдек, МҚ-9 Reaper учувчисиз учоқлари қатнашмоқда. Исроил ва АҚШ аскарлари иштирокидаги машқлар ўтказиш бир неча ой олдин, Бенямин Нетаняху бош вазирликка қайтишидан олдин бошланган.
Изоҳ (0)