Yerning ichki yadrosi mantiya va sirtga nisbatan aylanishni to‘xtatdi, ehtimol teskari yo‘nalishda harakatlana boshlagan bo‘lishi mumkin. Bu haqda Pekin universiteti olimlariga tayanib, The New York Times xabar berdi.
Xitoylik tadqiqotchilar bir necha yillar davomida seysmik ma’lumotlarni tahlil qildi. Natija 2009-yilgacha seysmik to‘lqinlar ichki yadro orqali turli tezliklarda o‘tgani, ammo keyin vaqt farqi yo‘qolganini ko‘rsatdi.
“Bu shuni anglatadiki, ichki yadro mantiya va sirtga nisbatan aylanishni to‘xtatdi”, — deydi ilmiy ish qatnashchisi I Yan.
Bir muncha vaqt o'tgach, to'lqinlar tezligidagi farq qaytgan, shu orqali olimlar yadro harakatlanmoqda degan xulosaga keldi. Ularning fikriga ko‘ra, yadro teskari yo‘nalishda aylanadi.
Tadqiqot mualliflari Yer yadrosi taxminan har 35 yilda teskari yo‘nalishda aylana boshlaydi, degan xulosaga keldi. Hozircha bunga qanday mexanizmlar sabab bo‘layotgani va sayyora ichida qanday jarayonlar yuz berayotgani aniq emas.
Mavzuga doir:
Izoh (0)