Тухум пиширишда деярли ҳамма йўл қўядиган 11 та хато

Тухумни қандай қилиб тўғри қайнатиш ёки қовуришни биласизми? Ишончимиз комилки, сиз ҳам ушбу хатолардан бирини қилгансиз, деб ёзади Marie Claire.

Тухум нонушта учун асосий маҳсулотлардан бири бўлиб, кунни бошлаш учун чинакам соғлом таомдир. Тухум яхши холестерин миқдорини орттиради, оқсил билан таъминлайди, суякларни мустаҳкамлайди, яллиғланишни камайтиради ва мушак массасини оширади.

Тухумни қайнатишдаги 3 та хато

1. Тухумнинг яхши қайнаши учун биринчи навбатда, ёриқлардан қочиш керак. Улар ёрилиб кетмаслиги, кучли қайнатганда сувга ёйилиб кетмаслиги учун паст оловда пиширилиши керак. Паст қайнатиш тухумларнинг бир текисда пишишини таъминлайди.
2. Тухумларни пиширишда идишлар ҳам муҳим — маҳсулот тўлиқ сув билан қопланган ва унинг даражаси тахминан 5 сантиметр юқори бўлиши учун чуқур идишлардан фойдаланиш керак.
3. Вақт ҳам худди шундай муҳим. Тухумнинг пишириш даври сув қайнай бошлаган заҳоти бошланади, айнан шу пайтдан бошлаб вақтни ҳисоблашни бошлаш керак. Бу 6-10 дақиқани ташкил қилади.

1. Тухумларни қовуришда сариғи ёйилиб кетмаслигини истасангиз, уларни бирданига товада эмас, балки алоҳида идишга чақиш лозим. Қовурилган тухум ҳам бир хилда пишиши, пуфакча ёки жигарранг қобиғи бўлмаслиги керак.
2. Тухумни кўп қовуриб бўлмайди. Идеал қовуриш ҳарорати 125 дан 140 даражагача. Ҳаддан ташқари юқори ҳарорат маҳсулотнинг куйишига олиб келади, марказ эса тўлиқ пишмайди.
3. Маҳсулотларни иложи борича эҳтиёткорлик билан танлаш лозим. Тухум эскирганда, оқ ва сариғи юпқалашади, яъни қовурилганда қалин қатлам ҳосил қилиш ўрнига ёйилиб кетади. Шунинг учун эски тухум қовурилгандан кўра яхшироқ қайнатилади.

1. Тухумни жуда узоқ вақт аралаштириб бўлмайди. Оқ ва сариғи бирлашгунча тухумни кўпиртириш кифоя, акс ҳолда уларда жуда кўп ҳаво тўпланади.
2. Тухумнинг нозик таъмини йўқотадиган начинка танламаслик зарур. Қолаверса, начинкани тухумларни товада пишираётганда эмас, аввалроқ тайёрлаш керак.
3. Агар омлет начинкаси қуюқ бўлса, уни эртароқ қўшиш мумкин. Аксинча бўлса, тухум пишишига оз қолганда қўшиш тавсия этилади.

1. Тухум пашотни тайёрлашда эҳтиёткорлик ортиқчалик қилмайди. Тухум сариғи ва оқи мукаммал мустаҳкамликни сақлаб туриши учун ҳар бир тухумни алоҳида идишга чақишни унутмаслик лозим.
2. Чуқурлиги камида 15 сантиметр бўлган идишдан фойдаланиш лозим. Пишириш тахминан уч-тўрт дақиқа давом этади. Агар сувда бир нечта тухум бўлса, ҳарорат пасаяди ва тухумнинг мукаммал пишиши учун кўпроқ вақт талаб қилиниши мумкин.