Литва президенти Гитанас Науседа Россия раҳбари Владимир Путин Украинадаги уруш бўйича ҳисоб-китобларида хатога йўл қўйганини билишини айтди. Науседа Жаҳон иқтисодий форуми доирасидаги нутқида бу ҳақда гапирди.
«Мени хавотирга солаётгани шундаки, Путин бу уруш учун ҳисоб-китобларда хато қилганини тушунади. У умидсиз. Демак, у иқтисодий ва ижтимоий эҳтиёжларни эътиборсиз қолдириб, Россиянинг барча куч ва ресурсларини жамлай олади», — дейди у.
Шу билан бирга, Литва раҳбари Украина ғалабасига ишонишини қайд этди. «Бу нафақат Украинанинг, балки барчамизнинг ғалабамиз бўлади», — деди Науседа.
Аввалроқ Литва президентининг таълим бўйича маслаҳатчиси Жоланта Урбанович республикада рус тилини чет тили сифатида ўқитишдан воз кечишни таклиф қилганди. У талабаларга чет тиллари сифатида – француз, немис ва бошқа тилларни танлаш имкониятини таъминлаш зарурлигини, бунинг учун эса мамлакатга ўқитувчилар кераклигини қайд этган.
Изоҳ (0)