Британия Мудофаа вазирлиги разведка маълумотига таяниб, Украина шарқидаги вазиятни таҳлил қилди ва икки томоннинг асосий оператив вазифасини маълум қилди.
Маълум қилинишича, дам олиш кунларида Кременск ва Бахмут йўналишларида шиддатли жанглар давом этган. 15 январь ҳолатига кўра, Украина қуролли кучлари «Вагнер» гуруҳининг давомий ҳужумларига қарамай, Бахмут шимолидаги Соледарда аниқ позицияларни эгаллаган.
Кременная атрофида жанглар ўрмонли ҳудудда бир қатор маҳаллий ҳужумлар ва қарши ҳужумлар билан тавсифланади. Украина қуролли кучлари аста-секин ўзларининг фронт чизиғини шарққа, Кременная шаҳри чеккасига олиб боришда давом этмоқда.
Разведканинг таъкидлашича, сўнгги олти ҳафта ичида Россия ҳам, Украина ҳам турли йўналишларда оғир, аммо чекланган ютуқларга эришган. Бундай шароитда ҳар икки томоннинг асосий оператив вазифаси тезкор ютуқларга эришиш учун тактик муваффақиятлардан фойдалана оладиган жанговар тайёр қўшинлар яратишдир.
Аввалроқ Британия разведкаси рус қўшинлари Бахмутни эгаллаши эҳтимолини баҳолаганди. Соледар Бахмутдан 10 километр шимолда жойлашган бўлиб, уни қўлга киритиш Россиянинг асосий тезкор мақсади бўлиб қолмоқда. Аммо Бахмутни эгаллашга босим кучайганига қарамай, Британия разведкасига кўра, Россия яқин келажакда шаҳарни ўраб олиши даргумон. Бу Украина қўшинларининг барқарор мудофаа чизиғини сақлаб туриши ва таъминот йўлларини назорат қилиши билан боғлиқ.
Мавзуга доир:
Изоҳ (0)