Кератин ёрдамида сочларни текислаш ниҳоятда оммалашган усул. Бу сочларни текис ва ипакдек майин қиладиган баҳсли процедура бўлиб, айримлар кератиндан кейин сочнинг табиийлиги йўқолади, деган қатъий фикрни билдирса, бошқалар эса уни алқашади. Harper’s Bazaar Kazakhstan нашри кератиннинг вазифаси нима эканлиги ва жингалак сочларга таъсири хусусида сўз юритади.
Кератин сочларнинг тузилишини шакллантирадиган ва ташқи таъсирлардан ҳимоя қилувчи оқсилдир. Қолаверса, кератиннинг сочларни текислаши хусусияти протеиннинг юқори ҳароратда кимёвий эритма шаклида сочга қўлланилишига асосланади. Шундай қилиб, таркибида формалдегид бўлган суюқ кератин тоза сочларга суртилади. Сўнгра дазмол ёрдамида текисланади, шунда соч толасида ҳимоя «плёнкаси» ҳосил бўлади, у бир неча ой мобайнида шампунь ва бошқа воситалар билан ювганда ҳам соч текислигини сақлаб қолишга ёрдам беради.
Бироқ шу ерда муҳим жараён бошланади. Гап шундаки, кўплаб мутахассислар формалдегиддан фойдаланишни хуш кўрмайди. Маълум бўлишича, у астма, оғир аллергик реакцияларни келтириб чиқариши ва ҳатто кўзнинг тўр пардасига ҳам зиён етказиши мумкин. Бундан ташқари, юқори ҳарорат сочнинг ўта даражада қуришига сабаб бўлади. Бунга текислаш таркибида кейинчалик сочларнинг мўртлашиши ва синишига сабаб бўладиган воситалар ишлатилишини ҳам қўшинг.
Табиий текис сочга эга бўлган қизлар жингалак қилишга, жингалак сочлилар эса сочларини текислашга интилишларини ҳеч кимга сир эмас. Кератин билан соч текислаш барча соч турларига мос келса-да, жингалак сочли қизлар энг сезиларли натижа билан мақтанса бўлади. Шунингдек, ҳамиша ёдда тутиш керакки, текислаш усули турли хил сочларга кутилмаган тарзда таъсир қилиши мумкин, шу жумладан, соч толасининг рангини бироз ўзгартириши мумкин.
Кератин билан сочларни текислаш ҳам самарали, ҳам хавфли таъсирга эга эканлигини қайд этиш керак. Шунинг учун йиллик курсини ҳар 2-3 ойда такрорлаш тавсия этилади. Бироқ ҳамма нарса индивидуал ва кундалик парваришларга боғлиқ. Мисол учун, агар эҳтиёткорлик билан парвариш қилинса, таъсир 7-8 ойгача давом этиши мумкин.
Шунинг учун кератин процедурасидан сўнг дарҳол соч ювиш воситаларини сулфатсиз шампунлар билан алмаштириш керак, уларга профессионал ниқоблар қўшишни унутманг. Бундан ташқари, денгиз ёки бассейнда чўмилишдан тийилиш керак, чунки қаттиқ сув кератин билан қопланган сочларга салбий таъсир қилади.
Мавзуга доир:
Изоҳ (0)