Ёш кўринишни сақлаб қолиш учун одамлар ҳар куни кўплаб косметикадан фойдаланади. Аммо баъзида гўзаллик билан барчани ҳайратда қолдириш учун бирор нарсани сарфлаш керак эмас. Бундан ташқари, баъзи маҳсулотларни ҳар куни ишлатиш тавсия этилмайди. AdMe нашри кўринишга зарар бермаслик учун қандай косметикадан камроқ фойдаланиш кераклигини маълум қилди.
Лаб учун бальзам
Дерматологларнинг таъкидлашича, бальзамдан ҳар соатда ёки ундан кўп фойдаланиш тобеликка олиб келиши мумкин. Восита тез-тез қўлланилганда, лаблар териси ўз-ўзидан керакли намлик даражасини сақлаб қолишни тўхтатади ва сунъий равишда сақланишга ўрганиб қолади.
Мутахассислар керак бўлгандагина косметик бальзамдан фойдаланишни тавсия қилади. Агар шунчаки қуруқлик пайдо бўлса, дарҳол унинг ёрдамига мурожаат қилишга шошилмаслик лозим. Тери ўз-ўзидан намликни енгишга қодир. Агар лаблар ёрилган бўлса, маҳсулотни эрталаб, овқатдан кейин ва ётишдан олдин қўллаш мумкин.
Соч учун ёғ
Сочни ёғлаш унинг ранги ва тузилишини яхшилайди. Аммо жараён тўғри бажарилган бўлса. Маҳсулотни ҳаддан ташқари кўп қўллаш бош терисини жуда ёғли қилади, қазғоқ муаммосини кучайтиради ва охир-оқибат соч тўкилишига олиб келади. Мутахассислар ҳафтасига 1-2 марта ёғ ишлатишни ва уни 1-2 соатдан кўп бўлмаган ҳолда қўллашни тавсия қилади.
Юз учун ниқоб
Юз ниқоблари таркибидаги фаол моддалар ҳафтада бир неча марта ишлатилсагина, самарали беради. Кундалик фойдаланилганда, бу маҳсулотлар терида қизариш хусусиятини келтириб чиқариши мумкин. Шунинг учун ниқобни ҳафтасига кўпи билан 3 марта қўллаш тавсия этилади.
Туш
Туш, айниқса, сув ўтказмайдиган тушни ҳар куни суртиш киприкларни заифлаштиради, уларнинг тўкилишига олиб келади. Шунинг учун бу воситани ҳар 2 кунда ишлатиш керак. Агар сув ўтказмайдиган маҳсулотдан фойдалансангиз, киприкларни қуритмаслик учун уни оддий туш қатламига суртиш лозим.
Ретинол маҳсулотлари
Ретинол кўпинча кремлар ва сивороткаларга қўшилади. Чунки бу компонент бир қатор муаммоларни ҳал қилади. Аммо кундалик фойдаланиш билан ретинол қизариш хусусиятини келтириб чиқаради, фойдадан кўра кўпроқ зарар етказиши мумкин. Мутахассислар ушбу компонентли маҳсулотларни ҳафтасига 2-3 марта қўллашни тавсия қилади.
Қуруқ шампунь
Қуруқ шампунь ортиқча ёғни йўқотади. Шунинг учун ундан кундалик фойдаланиш сочларни қуритиши мумкин. Бундан ташқари, фолликулаларни ёпиб қўяди, шу билан соч тўкилиши ва бош терисида яллиғланишга олиб келади. Бироқ қуруқ шампундан бутунлай воз кечиш мумкин эмас. У фақат кир сочларни тоза кўринишга келтиради. Мутахассислар уни кетма-кет 2 кундан ортиқ қўллашни тавсия этмайди. Қуруқ шампунни ҳафтасига 1-2 марта ишлатиш мумкин.
Тен
Тен юз терисига қўлланадиган бошқа декоратив косметика каби ажинларнинг эрта пайдо бўлишига ёрдам беради. Бунинг олдини олиш учун уларни ҳар куни ишлатмаслик лозим. Умуман олганда, ҳар 2 кунда ундан фойдаланиш ва мунтазам равишда ушбу қоидага амал қилиш тавсия этилади. Бу вақт терининг дам олиши учун етарли ва кейин яна косметикадан фойдаланиш мумкин.
Соч кондиционери
Албатта, бу восита сочларга фойдали таъсир кўрсатади. Аммо ҳар куни кондиционерни сочларда 15-40 дақиқага қолдириш натижасида сочлар тезда ёғланади ва кир кўринишга келади. Бундай процедурага мурожаат қилишни мутахассислар ҳафтада бир марта тавсия қилади.
Патчлар
Патчлар кундалик фойдаланиш учун мўлжалланмаган, чунки улар ҳар томонлама намловчи, силлиқ ёки юмшатувчи восита эмас. Уларнинг асосий вазифаси кўз остидаги шишни бартараф этишдир. Шунинг учун, шошилинч зарурат туғилганда ва фақат эрталаб патчлардан фойдалан мумкин.
Мицеляр сув
Мицеляр сув билан ҳар куни макияжни тозалаш терини қуритади ва эрта ажинлар пайдо бўлишига олиб келади. Шунинг учун ушбу воситадан фақат ўта зарур бўлганда, косметикани бошқа усуллар билан тозалаш учун вақт йўқ бўлганда фойдаланиш мумкин.
Изоҳ (0)