Киев янги ракета ҳужумларига учради. Украина вилоятларида уйлар ва инфратузилма объектларига зарар етди

Киевда 14 январь куни эрталаб ҳаво тревогаси эълон қилинди. Украина президенти офиси раҳбари ўринбосари Кирилл Тимошенко пойтахт муҳим инфратузилмаси объектларига ракета зарбаси берилганини маълум қилди.

Киев мери Виталий Кличко сўзларига кўра, шаҳарнинг Голосеевский туманида ракета бўлаклари аҳоли яшамайдиган ҳудудга келиб тушган. Киев шаҳар ҳарбий маъмурияти берган дастлабки маълумотларга қараганда, инфратузилма объектларига ҳам зарар етган. Электр тармоғида кучланишларда узилишлар ҳақида хабар берилмоқда.

Сал аввалроқ Киев, Харьков, Николаев ва Запорожье вилоятларида ҳам портлашлар ҳақида хабар берилганди. Очаковда ва Киев вилоятида инфратузилма объектларида ёнғинлар юз берган; бундан ташқари, Киев вилоятида 18 та хусусий уйга зарар етган. Харьков мери шаҳар ўққа тутилганини тасдиқлади; вилоят маъмурияти раҳбари чироқ ўчич эҳтимоли ҳақида огоҳлантирди.

Черкассси вилояти раҳбари маълум қилишича, кун мобайнида янги ракета зарбалари юз бериши мумкин.

Киев мери Виталий Кличков а Киев шаҳар ҳарбий маъмурияти Telegram-каналларига кўра, бундан аввал шаҳар 2 январга ўтар кечаси ракета ҳужумига учраган, ўшанда ҳаво ҳужумига қарши мудофаа ишга тушгани ҳақида хабар берилган, ҳужум оқибатида кўрилган зарарлар ҳақида маълумот берилмаганди.

Киевда амалга оширилиб, қурбонларга сабаб бўлган ёппасига ракета ҳужуми 31 декабрь куни бўлиб ўтганди. Ўшанда 2 киши ҳалок бўлиб, яна 20 киши, шу жумладан, япониялик журналист яраланганди. Меҳмонхона вайрон бўлиб, «Украина» концерт саройи ойналари синиб кетганди.