АҚШ президенти Жо Байденни «ҳарбий жиноятлари», шу жумладан, Украинадаги хатти-ҳаракатлари учун ўз лавозимидан четлаштириш керак, деб маълум қилди америкалик демократ сиёсатчи, Кентукки штати губернатори лавозимига номзод Жеффри Янг ўз Twitter’ида.
«Украина, Яман, Сурия, Ироқ ва бошқа жойлардаги ҳарбий жиноятлари учун Жо Байденга нисбатан зудлик билан импичмент эълон қилиш керак, деб ҳисоблайман. Шунингдек, Россияга қарши прокси-урушни давом эттираётгани учун ҳам», — деб ёзди сиёсатчи. У АҚШнинг 1945 йилдан кейинги барча президентлари «ҳарбий жиноятчилар» бўлган, деган фикрни билдирди.
Янгнинг баёнотлари Байденнинг уйида ва унга алоқадор таҳлил марказида махфий ҳужжатлар топилиши билан боғлиқ текширув фонида янгради. CNN маълумотларига кўра, ҳужжатлар унинг Барак Обама маъмуриятида вице-президент бўлиб ишлаган даврига тегишли бўлган.
2022 йил мартида Байден Россия президенти Владимир Путинни «ҳарбий жиноятчи» деб атаган эди. Кремль унинг баёнотларини «мутлақо номақбул» деб топиб, АҚШ тарихини, хусуссан, 1945 йилда Япониянинг Хиросима ва Нагасаки шаҳарларига атом бомбалари ташланганини эслатганди.
Изоҳ (0)