«Ўзгидромет» ахборот хизмати раҳбари берган маълумотларга кўра, Тошкент шаҳрида 13 январь, жума куни охирги 50 йилликдаги энг совуқ ҳарорат қайд этилди.
Маълум қилинишича, шу куни 19,8 даража совуқ ҳарорат рўйхатга олинди. Мазкур кўрсаткич пойтахт учун охирги ярим асрлик учун энг минимум ҳароратдир.
Сўнгги 50 йил ичида энг узун ва совуқ қиш мавсуми 2007—2008 йилларда қайд этилган бўлиб, совуқ давр декабрь охиридан февраль ойининг ўрталарига қадар давом етган. Ўшанда Тошкентда ҳарорат минимуми 17,4 даражагача тушган. Пойтахтда ундан аввалги энг паст ҳарорат 1974 йилнинг январида қайд этилган — ҳарорат 18,6 даражагача совиган.
Тошкент шаҳрида 1969 йил қишда ҳарорат 23,1 даражагача тушган бўлса, минимал ҳаво ҳароратининг мутлақ рекорди 1930 йил декабрь ойида 29,5 даража совуқни ташкил этган.
Мавзуга доир:
Изоҳ (0)