Бухоро вилояти Когон шаҳрида 2 январь куни аёл маст ҳолда танишига пичоқ билан оғир жароҳат етказди. Бу ҳақда Тергов департаменти хабар қилди.
Қайд этилишича, шу куни тунги соат 00:52 ларда Н.Э. (эркак, 40 ёшли) Когон шаҳар Маданият кўчасида яшовчи таниши Р.Н.нинг (аёл, 35 ёшли) уйига келиб, у билан спиртли ичимлик истеъмол қилган. Маст ҳолда ўзаро келишмовчилик сабабли жанжаллашиб қолишиб, аёл жаҳл устида қўлида бўлган ошхона пичоғи билан Н.Э.ни қорин соҳасига бир маротаба уриб, оғир тан жароҳати етказган.
Оқибатда Н.Э. олган тан жароҳатлари билан Когон шаҳар тиббиёт бирлашмасига ётқизилган.
Тергов давомида жиноятнинг келиб чиқиш сабаби ўрганилганда шу куни жабрланувчи маст ҳолатда гумонланувчи Р.Н.нинг яшаш хонадонига ўзи билан олиб келган ароқни истеъмол қилганини айтган. Сўнг жабрланувчи фуқаро Р.Н.га шилқимлик қилган, шу боис ўзаро жанжаллашиб қолишиб, бир-бирини ҳақорат қилишган. Шу пайт қўшни хонада бўлган Р.Н.нинг шаръий турмуш ўртоғи М.С. мазкур ҳолатни эшитиб, хотинини ҳимоя қилиш мақсадида жанжалга аралашган, Р.Н. эса жаҳл устида қўлида бўлган ошхона пичоғи билан таниши Н.Э.нинг қорин соҳасига бир маротаба уриб, жароҳат етказган.
Ҳолат юзасидан Жиноят кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган. Ҳозирда тергов давом этмоқда.
Изоҳ (0)