Dunyo olimlari 2023-yilda iqlim bilan bog‘liq xavf ko‘proq yuzaga kelishini prognoz qilmoqda. Bu haqda “O‘zgidromet” mutaxassisi, iqlimshunos Erkin Abdulahatov “Daryo” nashriga bergan intervyusida aytdi.
Erkin Abdulahatovning ta’kidlashicha, kelgusi 10-20 yillikda iqlimda isish kuzatiladi.
“Rivojlangan davlatlarning iqlimshunoslari 2023-yilning prognozlarini ishlab chiqdi. Tinch okeanidagi sovuq suv massasi mart oylaridan keyin issiq suv massasiga almashadi. Rus, Yevropa, hatto NASA iqlimshunoslari 2023-yilda “El-Ninyo” hodisalari, iqlim bilan bog‘liq xavf ko‘proq yuzaga kelishini ta’kidlamoqda.
Oxirgi paytda iqlim o‘zgarishida isish tendensiyalari kuzatilmoqda. Hozirgi prognozlar iqlim kelajakda ham isishi mumkinligini ko‘rsatmoqda. Harorat keyinroq sovib ketadi, degan nazariyalar ham bor. Lekin kelgusi 10-20 yillikda isish prognozlari turibdi”, – dedi mutaxassis.
Avvalroq Erkin Abdulahatov O‘zbekistonda oxirgi 20 yillikdagi eng sovuq havo harorati kuzatilayotganini aytgandi.
Izoh (1)
O bu qanaqa iqlimshinos ekan? Uzini fikrlari yuqmi? Faqat Europa va rus olimlarini aytganini aytadi. Uzimizi olimlar ugri ayrimlari menimcha