Навоий вилояти, Кармана тумани, Навоий эркин иқтисодий индустриал ҳудудидаги O‘zeraecable’га тегишли 50 фоиз давлат улуши кимошди савдосига қўйилди. Маълумотлар «E-auksion» порталида эълон қилинган.
Лот аукционга Давлат активларини бошқариш агентлигининг Навоий вилоят ҳудудий бошқармаси томонидан жойлаштирилган.
Бинолар ва иншоотларнинг эгаллаган умумий майдони — 5324,6 квадрат метр.
Қўшма корхонанинг устав капитали 6,91 млрд сўмни ташкил этади, асосий фондларнинг баланс қиймати эса 67,9 млрд сўмга тенг.
Комбинатнинг кредиторлик қарзи 32,9 миллиард сўмни ташкил этган бўлса, дебиторлик қарзи 13,9 миллиард сўм. 2021 йилда қўшма корхонанинг фойдаси 4,33 миллиард сўмни ташкил этган.
Компания 2009 йилда Жанубий Кореянинг Eraye Cs компанияси иштирокида ташкил этилган. Завод «Навоий» ЭИЗ ҳудудида жойлашган бўлиб, автомобиллар учун электр симлари ва бошқа электр бутловчи қисмларни ишлаб чиқариш билан шуғулланади.
Аукционга қўйилган корхонанинг бошланғич баҳоси — 48,2 млрд сўм. Аризалар 2023 йил 6 февраль 09:00 га қадар қабул қилинади. Савдолар худди шу куни 10:00 да бошланади.
Изоҳ (0)