Amazon аввал эълон қилинган 10 минг нафар ўрнига 18 мингдан ортиқ ходимларини қисқартиради. Бу ҳақда онлайн-ритейлер бош директори Энди Жессига таяниб Bloomberg хабар бермоқда.
Ўтган йилнинг ноябрь ойида Amazon раҳбарияти 10 минг кишини ишдан бўшатишни режалаштираётгани ҳақида хабар берилган эди.
Бош директор тушунтиришича, бу қарор 2023 йилни режалаштиришнинг бир қисми сифатида «иқтисоддаги ноаниқлик ва сўнгги икки йил ичида кўп сонли ходимларни ёллаш муносабати билан» қабул қилинган.
Шу билан бирга, унинг сўзларига кўра, ўша пайтда раҳбарият ходимларни қўшимча қисқартиришлар истисно қилинмагани ҳақида огоҳлантирган.
Таъкидланишича, асосан савдо ва ишга ёллаш бўлимларидаги ходимлар ишдан бўшатилади.
Охирги икки йил ичида коронавирус пандемияси туфайли онлайн хизматларга талаб ортиши сабабли Amazon ходимлари сони деярли икки баравар ошган эди.
Санитария чекловлари олиб ташлангани сабабли компания даромадларининг ўсиши секинлашди.
The Wall Street Journal маълумотларига кўра, Amazon’да 2022 йил сентябрь ҳолатига кўра 1,5 миллионга яқин одам ишлаган.
Аввалроқ Amazon асосчиси ўз бойлигининг катта қисмини хайрия қилмоқчилигини маълум қилган эди.
Изоҳ (0)