АҚШ Молия вазирлиги қора рўйхатни эълон қилди, унга олти нафар Эрон фуқаролари — Qods Aviation Industries раҳбарлари кирди. Америка санкцияларига учраган ушбу компания мудофаа маҳсулотларини, шу жумладан, учувчисиз учар қурилмаларни ишлаб чиқаради.
Америка Молия вазирлиги пресс-релизида айтилишича, компания Россияга Украина ҳудудида фойдаланиш учун жанговар дронларни юборишда иштирок этган.
Қора рўйхатдан Эроннинг Аэрокосмик саноат ташкилоти директори ҳам ўрин олди, у «Эроннинг баллистик ракеталар ишлаб чиқариш дастури устидан назорат учун жавобгар».
Ғарб мамлакатлари Эронни Украинадаги ҳарбий низода қўллаш учун Россияга учувчисиз учар қурилмалар етказиб беришда айбламоқда. Эрон ва Россия буни рад этмоқда. Эрон ҳукумати дронлар етказиб берилганини тан олганди, аммо, уларнинг сўзларига кўра, қурол-яроғ ҳарбий ҳаракатлар бошланишидан олдин юборилган.
24 декабрь куни Украина президенти офиси раҳбарининг маслаҳатчиси Михаил Подоляк Эрон Россияга дронлар етказиб бериш ҳажмини оширмоқчи эканини маълум қилди. У Эроннинг дронлар ишлаб чиқарувчи заводларини йўқ қилиб, учар қурилмалар етказиб берувчиларни ҳибсга олишга чақирди.
Аввалроқ Эрон Ташқи ишлар вазирлиги Украина президенти Владимир Зеленскийнинг АҚШ Конгрессидаги нутқини танқид қилган эди. Танқидга Зеленский Украинага қарши урушда фойдаланиш учун Эрон Россияга дронлар етказиб бераётгани ҳақида гапиргани сабаб бўлган. Шунингдек, Эрон Украинани «таҳдидли баёнотлар» оқибатлари ҳақида огоҳлантирди.
Изоҳ (0)