Жаҳон соғлиқни сақлаш ташкилоти дунёга коронавируснинг янги штамми хавф солаётганини, у янги тўлқинни келтириб чиқариши мумкинлигини айтди, деб ёзади Politico.
Гап вируснинг Omicron XBB.1.5 штамми ҳақида бормоқда. У бир нечта қитъалардаги 29 та мамлакатда аниқланган.
«Биз унинг тарқалиш суръатларидан хавотирдамиз, хусусан, Европа ва АҚШнинг шимоли-шарқий қисмида янги штамм бошқа вариантлар ўрнини тезкорлик билан эгаллаб олди», — деди ЖССТнинг COVID-19 бўйича техник мутахассиси Мария Ван Керхове.
Айни вақтда мутахассислар ушбу вирус оқибатида келиб чиқадиган касалликнинг оғирлик даражаси ҳақида аниқ маълумот бера олмаяпти.
«Ҳозирча Omicron XBB.1.5 айланиб юрган бошқа вариантларга нисбатан оғирроқми, йўқми — бу аниқ эмас», — дейишди ЖССТдагилар.
Ван Керховенинг сўзларига кўра, экспертлар янги штаммнинг жиддийлиги юзасидан таҳлил ўтказмоқда. Ҳисобот яқин кунларда эълон қилинади.
Мавзуга доир:
Изоҳ (0)