Россия вақтинча босиб олинган Қримда қуруқлик, ҳаво ва денгиздаги ядровий қурол ташувчиларни сақлайди. Бу ҳақда Украина разведка бошқармаси вакили Андрей Чернякка таяниб, «Укринформ» хабар берди.
«Ҳарбий разведка маълумотларига кўра, ҳозирда вақтинча босиб олинган Қрим ҳудудида ер, ҳаво ва денгиздаги ядровий ўқ-дориларни ташувчилар жойлаштирилган. Гап ядровий ўқ-дорилар билан зарба бера оладиган кемалар, сув ости кемалари, самолётлар ва қуруқлик тизимлари ҳақида бормоқда. Потенциал равишда Россия шундай имкониятга эга», — дейди у.
Чернайк Украина ҳарбий разведкаси Россия ядро қуролларининг ҳаракатини тактик даражада кузатиши ва улар қаерда жойлашганини билишини айтди.
Унинг сўзларига кўра, Россия ҳарбийлари Краснокаменка посёлкасидаги «Феодосия-13» иншоотида ядро қуролини сақлашга тайёрлаш мақсадида маълум ишларни амалга оширган, бироқ ҳозирча бу якунлангани маълум эмас.
Ҳарбий разведка ходими Россия ядровий зарбаси эҳтимоли ҳақида ҳам фикр билдирган. У «Россия ҳамма нарсага қодир»лигини айтиб, «Украина воқеалар ривожининг турли вариантларини ҳисобга олишини» таъкидлаган.
Изоҳ (0)