Исроил армияси босиб олинган Ғарбий Соҳилнинг жанубидаги Вифлеем шаҳрига уюштирган рейд чоғида фаластинлик ўсмирни отиб ўлдирди. Бу ҳақда Al Jazeera хабар берди.
Ҳодиса 3 январь куни эрталаб юз берган, Исроил хавфсизлик кучлари 15 ёшли Адам Иссам Шакер Аяд кўкрагига ўқ узган. Қотиллик Исроил армиясининг Дҳеишеҳ қочқинлар лагерига тонг отишидан олдин бошланган ва ўнлаб зирҳли техникани ўз ичига олган рейди пайтида содир бўлган, шундан сўнг ёш фаластинликлар билан тўқнашувлар бошланган. Маҳаллий матбуотнинг ёзишича, Исроил кучлари рейд давомида бир неча аҳолини ҳибсга олган.
Фаластин ташқи ишлар вазирлиги ўз баёнотида қотилликни «қатл жинояти» деб таърифлади. «Бу бир қатор судсиз қатлларнинг давоми ва Исроилнинг фаластинлик болаларга ҳужумининг бир қисмидир», — дейилади Фаластин ТИВ баёнотида.
Исроил армияси тўқнашувлар чоғида уларга «Молотов коктейли» ташлаган бир неча фаластинликларга қарата ўт очгани ва гумондорларнинг яраланганини маълум қилди.
Мавзуга доир:
Изоҳ (0)