Евроиттифоқ ҳукумати Хитойга COVID-19 нинг янги тўлқинига қарши курашда ёрдам сифатида вирусга қарши бепул вакиналарни етказиб беришни таклиф қилди. Бу ҳақда Financial Times Еврокомиссия вакилларига таяниб хабар берди.
Нашр маълумотларига кўра, соғлиқни сақлаш масалалари бўйича еврокомиссар Стелла Кириакидес коронавируснинг дунё бўйлаб қайтадан авж олиши эҳтимолига «европача жавоб»ни ишлаб чиқмоқчи.
«Кириакидес хитойлик ҳамкасбларига мурожаат қилиб, бирдамлигини изҳор қилди ва кўмак таклиф қилди, шу жумладан, жамоатчилик соғлиғини сақлаш соҳасида экспертлар ёрдамини, шунингдек, Евроиттифоқ вакциналарини хайрия қилишни таклиф этди», — деди газетага Еврокомиссиядаги манбаларидан бири.
25 декабрь куни коронавирус билан касалланиш даражаси кескин ошиши туфайли, Хитой вирус ҳақидаги кундалик маълумотларни эълон қилишни тўхтатди. Касалланиш ҳолатлари Хитой ҳукуматининг коронавирус чекловларига қарши норозиликлар фонида чеклов чораларини юмшатиш ҳақидаги қароридан кейин кўпайди. Австралия ва Канада Хитойдан келган сайёҳлар учун коронавирусга қарши тестни жорий қилди.
Изоҳ (0)