Россияда ўтган йилнинг 11 ойи давомида амалга оширилган жиноятлар сони ундан аввалги йилга нисбатан қарийб 10 фоизга ўсди. Ушбу кўрсаткич сўнгги беш йилдаги энг юқорисига айланди, деб ёзади «ТАСС» Россия Ички ишлар вазирлиги маълумотларига таяниб.
«Россия ҳудудида чет эл фуқаролари ёки фуқаролиги бўлмаган шахслар томонидан 2021 йилнинг январь ноябрига нисбатан 9,8 фоизга кўпроқ жиноятлар амалга оширилди, шу жумладан, МДҲ мамлакатлари фуқаролари томонидан 15,2 фоизга кўпроқ жиноятлар қилинди», — дейилади ИИВ хабарида.
Шунингдек, чет элликларга нисбатан амалга оширилган жиноятлар ҳам кўпайган. Ушбу кўрсаткич сезиларсиз даражада — 3 фоизга ўсган (15 мингта жиноят).
ИИВ статистика маълумотларига кўра, 2021 йилнинг январидан ноябрига қадар бўлган даврда Россияда чет элликлар 33,7 мингта, 2020 йилда 31,7 мингта, 2019 йилда 32,4 мингта ва 2018 йилда 35,9 мингта жиноят содир этган, бу эса ўтган йили уларнинг сони энг кўп бўлганидан дарак беради.
Россия ички ишлар вазири Владимир Колоколсев 19 октябрь куни Давлат думасида мамлакатда чет элликлар орасида жиноий ҳодисалар сони ошиб бораётгани кузатилаётганини айтганди. Унинг сўзларига кўра, жиноятлар ўсиш кўрсаткичининг 80 фоизи наркотиклар ноқонуний айланмаси соҳасига тўғри келади.
Изоҳ (0)