Краматорск яқинига берилган ракета зарбаси Франция телевидениеси эфирига тушиб қолди (видео)

Донецк халқ республикаси Краматорск туманининг ўққа тутилиши Франциянинг ТМC телеканали эфирига тушиб қолди. Журналист Пол Гасне тўғридан-тўғри эфирга чиқмоқчи бўлиб турганида, унинг орқа томонида кучли портлаш юз берди.

Телеканал маълумотларига кўра, тасвирга олиш гуруҳи таркибига яна икки киши кирган. Портлашдан кейин хавфсиз жойга ўтиб олгач, мухбир Quotdien дастури эфирида чиқиб, воқеа ҳақида гапириб берган.

«Камерани ёқиб, дастурни бошлашга тайёр бўлиб турганимизда орқа томонимизда жуда кучли портлаш юз берди. Биз ер билан битта бўлдик… Яқинимизда ойналар синиб кетди, биз ерда ётгандик, аммо бизга ҳеч нарса қилмади, сал нарироқдаги черковга яшириниб олдик», — деди у.

ТМC студиясида телекўрсатув бошловчиси Янн Барт ва меҳмонлар, шу жумладан, Франция иқтисодиёт вазири Брюно Ле Мера ҳам бор эди.

ШОТ ва «Московский комсомолец» тахмин қилишича, видеода Россия ракеталарининг 2 январь куни Дружковкада Украина Қуролли кучлари объектига келиб тушиши акс этган. Украина президенти офиси раҳбари ўринбосари Кирилл Тимошенко Дружковкага ва Яковлевка қишлоғига иккита ракета зарбаси берилгани ва икки киши яраланганини айтганди.