Yangi yil dasturxoni uchun atirgul shaklidagi yegulik tayyorlaymiz

Kolbasa va motsarella pishlog‘idan tayyorlanadigan atirgul ko‘rinishidagi bezaklarni Yangi yil dasturxoniga qo‘yish mumkin. Uni o‘zingizga yoqqan ko‘katlar bilan bezatsangiz ham bo‘ladi.

Hech bir bayram kolbasasiz o‘tmaydi. U pishloq bilan birga dasturxonga tortiladi. Pishloq va kolbasani idishga kesib, qo‘yishdan oson ish yo‘q. Biroq dasturxonni ishtaha ochuvchi ko‘rinishda bezatishni istasangiz, kolbasa va pishloq yordamida atirgul ko‘rinishidagi bezaklarni tayyorlab ko‘ring.

Bezakka qo‘shimcha ravishda rayhon barglarini qo‘shishingiz mumkin, motsarella esa pishloqning yengil, to‘yimli navlaridan biri hisoblanadi. Kolbasani dudlangan mol go‘shti bilan ham almashtirsa bo‘ladi.

Kerakli masalliqlar: 

• kolbasa yoki dudlangan mol go‘shti
• motsarella pishlog‘i
• ismaloq yoki rayhon barglari
• uzun, ingichka tayoqchalar

1. Bitta bezakni tayyorlash uchun sizga to‘rtta yupqa kolbasa bo‘lagi kerak bo‘ladi. Bo‘laklarni bitta joyga qo‘yib, tenglashtirib oling.
2. Kolbasa bo‘laklarini ehtiyotkorlik bilan o‘rang — buning natijasida ular atirgul kurtaklariga o‘xshash ko‘rinishga keladi.
3. O‘ramlarni oling va yoniga rayhon barglarini qo‘yib uzun, yupqa tayoqchaga o‘rtasidan kirgizing. Ta’bingizga ko‘ra rayhon barglarini qo‘shing.
4. Oxirida atirgul shaklidagi kolbasaning oldiga motsarella pishlog‘ini qo‘shing. Kompozitsiyada har qanday navli pishloqdan foydalanishingiz mumkin, biroq motsarella pishlog‘i bezakka chiroyli ko‘rinishni taqdim etadi.

• Mol go‘shti, no‘xat va sabzi qo‘shib tayyorlanadigan mazali salat retsepti.
• Tovuq go‘shtli, olmali: Olivye salatining 4 xil noodatiy retsepti.
• Yasmiq qo‘shib turkcha qovoqli sho‘rva tayyorlaymiz.
• Tanadagi yog‘larni eritishga yordam beradigan 4 xil mazali sho‘rva retsepti.