Мазали асалли торт товада осон тайёрланади. Кремига сметана қўшиб пишириладиган тортни безашда ўзингизга ёққан мевалардан фойдаланишингиз мумкин.
Керакли масаллиқлар:
- шакар — 220 г
- асал — 5 қошиқ
- сариёғ — 220 г
- истеъмол содаси — 1 қошиқ
- тухум — 4 дона
- ун — 300 г
- ўсимлик ёғи — 2-3 қошиқ
- ёғли сметана — 800 г
- шакар кукуни — 120 г
- Бир пиёлага шакар, асал ва сариёғ солиб аралаштиринг. Аралаштирганда, маҳсулотлар эригунча сув ҳаммомида иситилади.
- Сиропга истеъмол содасини солинг, аралаштиринг, яна 30-40 сония давомида қиздиринг. Масса кўпикланиб, олтинранг бўлиши керак.
- Сиропни озгина совитиб олинг. Уни «венчик» ёрдамида яхшилаб аралаштириб, ичига тухумни бирма-бир солинг.
- Унни суюқ массага солинг ва маҳсулотларни хамир ҳолатига келтиринг.
- 20-23 см диаметрли қиздирилган товани ўсимлик ёғи билан ёғланг ва қиздиринг.
- Хамирнинг бир қисмини товага солинг, уни барча қисмига тенг равишда ёйинг. 1-2 дақиқа давомида идишнинг қопқоғи ёпилган ҳолатда паст оловда пиширинг. Бошқа томонини айлантиринг ва яна 1-2 дақиқа пишириб олинг.
- Қолган хамирни ҳам шу шаклда пиширинг, вақти-вақти билан товани ёғланг.
- Хамир бўлаклари бир хил бўлиши учун нотекис қирраларни кесиб олинг. Кесиб олинган бўлакларни майдаланг.
- Сметанани шакар кукуни билан аралаштиринг. Хамирларни бир-бирининг устига қўйинг ва устига кремни суртинг.
- Тортнинг юқори ва ён томонларига крем суртинг. Кремнинг устига хамирнинг майдаланган бўлакларини сепинг. Уни шоколад ёки ўзингизга ёққан мевалар билан безатишингиз мумкин. Асалли тортни 4-6 соат давомида музлатгичга қўйинг.
Мавзуга доир:
Изоҳ (0)