8 соат ёки ундан кўпроқ уйқудан кейин ҳам чарчаган ҳолда уйғондингизми? Ушбу ҳолатни бир неча сабаблар билан изоҳлаш мумкин. The Voice Mag нашри бунга аниқлик киритди.
Етарли миқдорда ухлашдан кейин ҳам руҳан ва жисмонан чарчоқнинг кузатилиши — бу эътиборсиз қолдириш мумкин бўлмаган ҳолат. Муаммони йўқ қилишнинг ягона ишончли йўли унинг асосий сабаби билан курашишдир.
Мияда аденозиннинг тўпланиши
Уйғонишдан олдин сўнгги бир неча соат давомида одамлар уйқунинг энг тез фазасини ўтказади, унинг асосий хусусияти мия фаоллигини оширади. Соф визуал тарзда, буни ухлаётган одамнинг кўз қовоқлари ҳаракатлари билан аниқлаш мумкин.
Айнан шу босқичда мия ҳужайралардаги энергия манбаи ва ташувчиси бўлган аденозин трифосфатнинг ортиқча миқдорини қабул қилади. Буни уйғонгандан кейинги ҳолатга қандай алоқаси бор? Гап шундаки, аденозин ҳушёрлик ва эҳтиёткорликни бостиради, уйқуни эса рағбатлантиради.
Уйқуга кеч ётиш
Тунги бойўғлилар ва ярим тундан кейин ётишга одатланганларда уйқу мукаммал бўлмайди. Кеч ухлаш гиппокампга таъсир ўтказади, бу ўз навбатида ҳис-туйғулар, хотира ва диққат учун жавобгардир. Кеч ухлаш нафақат тунги уйқуга тўсқинлик қилади, балки ўрганиш ва хотирани йўқотишга ҳам ҳисса қўшади. Шунинг учун кеч уйқуга ётиш одатини ўзгартириш тавсия этилади.
Қонда шакарнинг етишмаслиги
Ётишдан олдин истеъмол қилинган кечки овқат ҳам уйқунинг сифатига таъсир қилади. Бир қатор тадқиқотларга асосланиб, уйқудан олдин ширинликларни истеъмол қилиш эрталаб вазиятни яхшилаши мумкин. Бу ширинлик ва тортларни ортиқча истеъмол қилиш ва дарҳол иссиқ ўринга югуриш керак, дегани эмас. Бироқ рационда шакар миқдорини минимал даражага туширадиган қаттиқ парҳезлар охир-оқибат уйқу бузилишига олиб келишини билиб қўйиш керак.
Изоҳ (0)