Бел инсон организмининг ҳимоя қилиниши керак бўлган жуда заиф қисмидир. Узоқ юриш ёки ҳатто иссиқ офис креслосида ўтирганда ҳам уни осонгина шамоллатиб қўйиш мумкин. Бундай ҳолатда организмнинг реакцияси жуда ёқимсиз. Шунинг учун тезроқ тузалишда нималарга аҳамият бериш кераклигини билиш муҳим, деб ёзади Wday.
Бел шамоллашининг асосий белгиси кучли ва ёқимсиз оғриқдир. Юриш, ётиш ва ўтиришда ҳам оғриқ кузатилади. Тўсатдан ҳаракатлар қилмаслик лозим. Ҳатто нафас олишда ҳам оғриқ пайдо бўлади.
Бел оғриғи билан қандай курашиш керак?
Вазиятни енгиллаштириш учун фақат иккита нарсадан фойдаланиш мумкин:
- Иссиқлик: белни иссиқ ушлаб турадиган нарса билан ўраш керак. Бунинг учун махсус белбоғ ва иситувчи малҳамлардан фойдаланиш мумкин.
- Дам олиш: иложи борича камроқ ҳаракат қилиш лозим. Ётоқ юмшоқ эмас, балки ўртача даражада қаттиқ бўлиши муҳимдир.
Бел шамоллаганда қандай даволанади?
Афсуски, бу ерда фақат битта ечим бўлиши мумкин — дам олиш ва иссиқлик. Худди биринчи ёрдам каби. Иложи бўлса, энг яхши ечим касаллик таътилини олиш ва белни зўриқтирмаслик учун бир неча кун давомида ҳеч нарса қилмасликдир. Агар дам олиш ёрдам бермаса, шифокор билан маслаҳатлашиш керак. Агар оғриқ узоқ вақт давомида ўтиб кетмаса, шифокор самаралироқ дори-дармонларни тавсия қилиши мумкин.
Бел шамоллаганда тузалишга ёрдам берадиган халқона усуллар
Малҳам ва бошқа кимёвий моддалар ўрнига халқ воситаларидан фойдаланиш ҳам мумкин. Уларнинг орасида ҳар қандай, ҳатто энг кучли малҳамдан ҳам кўпроқ иситишга қодир бўлганлар бор.
Бу борада тузли компрессга эътибор беришингиз керак. Бунинг учун денгиз тузи печда иситилиш керак. Шундан сўнг иссиқ туз халтага солинади, агар туз жуда иссиқ бўлса, у бир неча марта сочиқ билан ўраб олинад ва у бел соҳасига қўйилади. Туз совиши билан сочиқнинг қатламлари аста-секин олиб ташланиши керак.
Массаж ҳам катта ёрдам беради. Иссиқ ҳаммомни қабул қилгандан сўнг дарҳол процедурага ўтиш керак. Аммо бу пайтда кучли оғриқлар бўлса, массаж қилиш мумкин эмас.
Агар бел шамоллаган бўлса, биринчи нарса ташвишланишни тўхтатишдир. Бу асосий вазифадир, чунки оғриқ тўқималарнинг шикастланишига ёки юзага келиши мумкин бўлган психо эмоционал реакциядир. Мия маркази организмга ҳаракат қилиш жуда хавфли экани ҳақида огоҳлантириш юборади, лекин кўпинча сигнал нотўғри бўлиб чиқади. Кўпинча бел оғриғи мутахассисларнинг аралашувисиз ўтиб кетади.
Агар белдаги ноқулайлик организмнинг бошқа қисмларига, масалан, оёқ, қўл ва ҳоказоларга тарқалса, мутахассис томонидан текширув зарур. Бундан ташқари, кечаси симптомлар кучайса, дам олиш ҳолати бўлмаса, умумий амалиёт шифокори ёки неврологга мурожаат қилиш тавсия этилади.
Албатта, бел оғриғида дори-дармонларни қабул қилиш мумкин, аммо жисмоний машқлар, дам олиш ва тинчланиш ёрдамида дори-дармонларсиз оғриқдан халос бўлиш мумкин.
Кўпинча бел оғриғи ҳаётда бирор нарсани ўзгартириш кераклигини кўрсатадиган белгидир. Мисол учун бел оғриғи жисмоний фаолликни ошириш зарурлигини ёки психо эмоционал фонни баҳолаш ва тузатиш вақти келганини кўрсатиши мумкин.
Изоҳ (0)