Одам савдоси жинояти бўйича халқаро қидирувда бўлган аёл Куала-Лумпурдан Тошкентга экстрадиция қилинди, деб хабар бермоқда Интерполнинг Ўзбекистондаги Миллий марказий бюроси.
Маълум қилинишича, қидирувда бўлган аёл Малайзияда узоқ вақт яшириниб юрган.
Уни қўлга олиш Тошкент Интерпол ва Куала-Лумпур Миллий марказий бюроларининг ҳамкорликдаги ҳаракатлари ва тезкор-ахборот кузатуви ҳамда Ўзбекистоннинг Малайзиядаги элчихонаси вакилларининг бевосита ёрдами билан амалга оширилди.
Ушбу идоралар ходимлари томонидан олиб борилган самарали ҳаракатлар натижасида Малайзия ҳукумати томонидан қидирилаётган шахсни экстрадиция қилиш тўғрисидаги қарор қабул қилингунга қадар гумон қилинувчини қўлга олиш ва ҳибсга олишга муваффақ бўлди.
Экстрадиция масаласининг ижобий кўриб чиқилиши натижасида қидирувда бўлган аёл Тошкентга олиб келиш учун Ўзбекистон ҳуқуқ-тартибот идоралари ходимларига топширилди. Эндиликда унга нисбатан қонун доирасида жазо белгиланади.
Сентябрь ойида ҳам одам савдоси билан шуғуллангани учун қидирувда бўлган ўзбекистонлик аёл Куала-Лумпурдан Тошкентга экстрадиция қилинганди.
Мавзуга доир: Ўзбекистондаги молиявий пирамидага 2 млн доллар тикиб, 2 мингдан ортиқ фуқарони алдаган шахс чет элда қўлга олинди
Изоҳ (0)