Фарғона водийсида 2 та Shacman ва Isuzu юк машинаси иштирокида ЙТҲ юз берди. Бу ҳақда ФВВ матбуот хизмати маълум қилди.
29 декабрь куни соат 10:29 да Фарғона—Андижон автомобиль йўналишида ҳаракатланган 2 та Shacman ва Isuzu юк машиналари иштирокида йўл транспорт ҳодисаси содир бўлгани тўғрисида вилояти ФВБга хабар келиб тушган.
Ҳодиса оқибатида Isuzu ҳайдовчи юк машина салони ичида қисилиб қолган.
Воқеа жойига зудлик билан ФВВнинг ҳудудий бошқармаси қутқарувчилари, ЙПХ, тез тиббий ёрдам ходимлари етиб борган.
Қутқарувчилар махсус гидравлик асбоб-анжомлар ёрдамида қисилиб қолган ҳайдовчини соғ-омон юк машина ичидан чиқариб олган ва биринчи тиббий ҳамда психологик ёрдам кўрсатиш мақсадида тез тиббий ёрдам ходимларига топширган.
Изоҳ (0)