Олий ва ўрта махсус таълим вазирлиги матбуот котиби Термиз ва Қаршидаги икки олий таълим муассасаси раҳбари ишдан олинганини маълум қилди.
Унга кўра, Эшболта Қобулов Термиз давлат университети Педагогика институти директори лавозимидан, Абдуқаҳҳор Ғаниев Қарши давлат университетининг Педагогика институти директори лавозимидан озод этилган.
Олий ва ўрта махсус таълим вазирининг 2021 йил 3 майдаги буйруғи билан Эшболта Қобулов Термиз давлат университетининг Педагогика институти директори лавозимига тайинланганди.
Эшболта Қобулов 1960 йил Сурхондарё вилоятида туғилган. Термиз давлат педагогика институти (1988 йил)ни тамомлаган. Тарих фанлари доктори, доцент. Шу кунга қадар Термиз давлат университетининг Тарих факультети декани лавозимида ишлаган.
Олий ва ўрта махсус таълим вазирининг 2021 йил 25 июндаги буйруғи билан Абдуқаҳҳор Гадоевич Ғаниев Қарши давлат университетининг Педагогика институти директори лавозимига тайинланган.
Абдуқаҳҳор Ғаниев 1974 йилда Тошкент давлат университетини тамомлаган. Физика-математика фанлари номзоди, доцент. Шу кунга қадар Тошкент давлат педагогика университетининг Шаҳрисабз филиали директори лавозимида ишлаган.
Мавзуга доир: Ўзбекистонда икки нафар олийгоҳ ректори ишдан олинди
Изоҳ (0)