Ҳеч ким уй тозалаш учун кўп вақт сарфлашни хоҳламайди. Ҳаракатни тежаш учун уй хўжалиги бўйича мутахассислар ва тажрибали уй бекаларининг маслаҳатларидан фойдаланиш лозим. Уларнинг ҳар бирини бажариш учун атиги бир неча дақиқа керак бўлади ва уйни саранжомлик узоқ вақт тарк этмайди, деб ёзади «Новий очаг».
Ётоқни тартибга келтириш
Уйдан чиқишдан аввал ёки уйғонгандан сўнг дарҳол ётоқ ўрнини тартибга келтириш ишни анча енгиллаштиради. Қолаверса, хонани тартибли кўрсатади.
Ҳаммомни мунтазам ювиш
Душ қабул қилгандан сўнг дарҳол хонани тозалаш керак. Бу бор-йўғи 20 сония давом этади, аммо кейинчалик тозалаш қийин бўлган доғлар қолмайди.
Раковинани мунтазам ювиш
Одатда раковинадан тез-тез фойдаланилгани учун тиш пастаси ёки бошқа доғлар пайдо бўлади. Кир у ерга чуқур ўрнашмасидан олдин мунтазам тозалаш тавсия этилади.
Ошхона юзаларини артиб олиш
Бунинг учун уй шароитида ҳам аралашма тайёрлаш мумкин. Сирка, идиш ювиш воситаси ва оддий сув металл юзаларга ёрқинлик беради.
Тозалашни бошқа ишлар билан бир вақтда амалга ошириш
Масалан, ошхона тозалаш учун алоҳида вақт ажратиш шарт эмас. Шунчаки, овқат ёки бошқа егуликни пишириш давомида идишларни ювиш, шкаф ёки музлаткични тартибга келтириш мумкин. Бу кўп вақтни олмайди ва ошхона ҳамиша тоза кўринишни сақлаб қолади.
Уйқуга ётишдан олдин чангюткичдан фойдаланиш
Ухлашдан олдин хоналарни чангюткичда тозалаш учун 7 дақиқа сарфлаш мумкин. Шунингдек, бу жараён жисмоний ҳаракат қилишга ҳамда хоналарни чангдан халос қилишга ёрдам беради.
5 дақиқалик тозалашни бажариш
Қолаверса, уйқуга кетишдан олдин бутун оила аъзолар билан биргаликда 5 дақиқалик тозалашни амалга ошириш мумкин. Бу уйни тез ва осон тозалашга ёрдам беради. Аёллар ошхонани, эркаклар меҳмонхона ва йўлакларни, болалар эса ўйинчоқ ва китобларни тартибга келтириши мумкин.
Кийимларни ҳамиша шкафга қўйиш
Аксарият инсонлар ишдан қайтгач кийимларни шкафга жойлаштиришга эринади. Натижада кийимлар ғижимланади ва жойида ҳафталаб қолиб кетади. Уй тозалаш вақтида ушбу арзимас иш ҳам кўп вақт талаб этади. Шунинг учун уларни мунтазам равишда шкафга жойлаштиришга одатланиш керак.
Дераза ва эшикларни очиш
Эрталаб ёки ҳаво яхши вақтда дераза ва эшикларни очиш ҳам хонада ҳаво айланишини яхшилайди ва кислород билан тўйинтиради. Тоза ҳаводан нафас олиш эса инсонга тетиклик бағишлайди.
Изоҳ (0)