Фақат тухум оқини талаб қиладиган кўплаб рецептлар мавжуд. Аммо ортиб қолган сариғларни нима қилиш керак? «Новий очаг» нашри улардан қандай мақсадларда фойдаланиш мумкинлиги борасида маслаҳатлашди.
Майонез тайёрлаш мумкин
Тухум сариғи майонезнинг асосий таркибий қисмларидан бири бўлиб, уни уй шароитида осонгина тайёрлаш мумкин. Бунинг учун 2 дона тухум сариғи 1 ош қошиқ хантал, 0,5 ош қошиқ лимон шарбати, 1/3 чой қошиқ шакар ва 1/3 чой қошиқ туз билан аралаштирилади. Маҳсулотлар блендер билан аралаштирилиб, аста-секин 150 грамм ўсимлик ёғи қўшилади. Тайёр майонез музлаткичда уч кунгача сақланиши мумкин.
Соусни қуюқлаштириш учун
Агар соус жуда суюқ бўлса, унга бир нечта тухум сариғи қўшилади. Натижада соус тез орада қалин ва ёпишқоқ ҳолга келади.
Пудинг ва крем учун
Тухум сариғи сув миқдорининг пастлиги ва ёғ миқдорининг юқорилиги туфайли ҳар қандай таомга қуюқлик беради. Хусусан, ширинликлар креми қуюқ бўлса, уларнинг шаклини ушлаб туришни таъминлайди.
Котлет ва тефтел учун
Кўпгина уй бекалари қиймага бутун тухум қўшади. Бироқ тухум оқи гўштни юмшоқликдан маҳрум қилиши мумкин. Сариғи аксинча барча маҳсулотларни бир-бирига ёпиштиришга қодир. Бундай котлетларни грилда ҳам, печда ҳам пишириш мумкин, чунки улар шаклини йўқотмайди.
Шўрва тайёрлаш учун
Тухум сариғи ёрдамида ҳар қандай шўрвани мазали ва чиройли тарзда тайёрлаш мумкин. Бунинг учун 2 та тухум сариғи бир қошиқ сметана ва озгина лимон шарбати билан силлиқ бўлгунча аралаштирилади. Шўрва тайёр бўлиши билан ушбу аралашма қўшилади ва оловдан олинади. Агар шўрва яна қайнашда давом этса, таомнинг ранги ўзгариши мумкин.
Глазур тайёрлаш учун
Тухум сариғини шакар, ваниль ва сут (ёки қаймоқ) қалин ва ёпишқоқ бўлгунча аралаштирилади. Тухум сариғи турли хил пишириқларни безаш учун ишлатилиши мумкин. Бунинг учун у хамир юзасига суртилади.
Юз ва соч учун ниқоблар
Тухум сариғи кўплаб фойдали моддаларга бой, жумладан А ва Б витаминлари, шунингдек, кальций ва темир. Косметологияда у намловчи ниқоблар учун асос сифатида ишлатилади. Тухум сариғи юзнинг терисига ёки сочларга суртилади, сўнгра тоза сув билан ювилади. Қўшимча маҳсулотлар сифатида асал, лимон ва пиёз шарбати, қаймоқ, сметана, эфир мойлари ва алоэ шарбати қўшиш мумкин.
Изоҳ (0)