Россия Давлат Думаси спикери Вячеслав Володиннинг айтишича, депутатлар Россиянинг Украинага кенг миқёсли босқинидан кейин мамлакатни тарк этган Россия фуқаролари учун солиқ ставкасини оширадиган қонун лойиҳасини тайёрламоқда. Бу ҳақда у ўзининг Telegram-каналида маълум қилди.
«Бугунги кунга қадар кетганлар нафақат Россия компанияларида масофавий ишламоқда, балки мамлакатимиз қонунчилигига мувофиқ уларга берадиган барча имтиёзлардан фойдаланмоқда. Россия Федерациясидан чиқиб кетганлар учун имтиёзларни бекор қилиш ва улар учун оширилган солиқ ставкасини жорий этиш тўғри бўлади», — деб ёзди у.
Декабрь бошида «Ягона Россия» фракцияси чет элда яшовчи россияликларга банк сингари қатор ишларда масофадан туриб ишлашни тақиқловчи қонун лойиҳасини ишлаб чиққанди. «Верстка» нашрининг таъкидлашича, чекловлар ахборот хавфсизлиги, давлат сектори ва транспорт соҳаси ходимларига таъсир қилади. Россия Рақамли ривожланиш вазирлиги масофавий ишлашнинг IT-мутахассисларига тааллуқли бўлишини тақиқлашга қарши чиққан.
Мавзуга доир:
Изоҳ (0)