Афғонистонда «Толибон» ҳукумати мамлакатдаги барча нодавлат ташкилотларга аёлларнинг у ерга ишга боришини тақиқлашни буюрди, деб хабар бермоқда Reuters агентлиги.
Associated Press тақиқни бошқачароқ таърифламоқда: агентлик маълумотларига кўра, ноҳукумат ташкилотлардан аёлларни ишга олишни тўхтатиш талаб қилинган.
Ҳукумат тақиқни бундай ташкилотларнинг айрим ходимлари мусулмонларга хос кийинмаслиги билан изоҳлади.
Бирлашган Миллатлар Ташкилоти тақиқ ҳақидаги хабарлардан «чуқур хавотир» билдирди ва бу чорани қоралади.
«Афғонистондаги БМТ ва унинг ҳамкорлари шуни эслатиб ўтадики, мамлакатнинг амалдаги ҳукмдорларига аёлларни ўз тақдирини ўзи ҳал қилиш ваколатидан маҳрум қилиш, уларни ҳуқуқларидан маҳрум қилиш, ижтимоий-сиёсий ҳаётнинг барча жабҳаларидан тизимли равишда четлаштириш мамлакатни орқага тортиб, ҳар қандай муҳим тинчлик ва барқарорлик йўлидаги саъй-ҳаракатларни пучга чиқармоқда», — дейилади баёнотда.
20 декабрь куни «Толибон» қизларнинг университетларда таълим олишини тақиқлаб қўйганди. Бу қанча муддат давом этиши номаълум. АҚШ ва Қатар бу қарорни қайта кўриб чиқишни талаб қилди. БМТ аёлларнинг ОТМларга қўйилмаслиги халқаро ҳуқуқнинг бузилиши деб ҳисоблайди.
24 декабрь куни ғарбий Ҳирот шаҳрида бир неча ўнлаб аёллар университетларда ўқиш тақиқланишига қарши намойишга чиқди; хавфсизлик кучлари уларга қарши сув сепиш машиналаридан фойдаланди.
The heroic women of Afghanistan out on the streets of Herat today to protest against the Taliban’s BAN on female students going to university. They scream “cowards” at the Taliban.
— Shabnam Nasimi (@NasimiShabnam) December 24, 2022
The Taliban fire water canons at the protesters. pic.twitter.com/9O34xFFbf6
Изоҳ (0)