Афғонистонда талаба қизлар кўпинча ҳижоб ўрамаган, деб даъво қилмоқда олий таълим вазири Нада Муҳаммад Надим. Бу, гўёки, Афғонистонда ҳокимиятни эгаллаб олган «Толибон» ташкилоти аёлларга университетларда таълим олишни тақиқлаши сабабларидан бири бўлган, деб ёзади Толо News.
Вазир жами тўртта сабабни келтириб ўтди. Хусусан, унинг сўзларига кўра, вилоятлардан келган қизлар университет ётоқхоналарида ва ўқишга бориб-қайтишда эркаклар ҳамроҳлигисиз юрган. Шунингдек, олий таълим муассасаларида эркаклар ва аёлларни биргаликда ўқитиш давом эттирилган, баъзи қизлар эса «ислом шариатига зид» факультетларда ўқиган.
«Толибон» Афғонистонда ҳокимият тепасига 2021 йил августида келган эди, шундан кейин мамлакатда аёллар учун чекловлар кирита бошлади. 20 декабрь куни «Толибон» қизларнинг университетларда таълим олишини тақиқлаб қўйди. Бу қанча муддат давом этиши номаълум. АҚШ ва Қатар бу қарорни қайта кўриб чиқишни талаб қилди. БМТ аёлларнинг ОТМларга қўйилмаслиги халқаро ҳуқуқнинг бузилиши деб ҳисоблайди.
Изоҳ (0)