Франция пойтахти Парижда 69 ёшли эркак кўчадан ўтаётганларга қарата ўқ узди. Бу ҳақда France Press хабар берди.
Маълум қилинишича, ҳодисада икки киши ҳалок бўлди, тўрт киши яраланди. Воқеа Rue d’Enghien кўчасида юз берган, бир неча марта ўқ овози эшитилган. Отишма содир этган шахс аллақачон полиция томонидан ҳибсга олинган.
Эркак нима сабабдан бундай қилгани номаълум. Париж полицияси фуқароларни воқеа жойига бормасликка чақирмоқда. Шаҳар прокуратураси қотиллик ва зўравонлик бўйича тергов бошлаган.
24 ноябрь куни Россияда номаълум эркак «Славянский» савдо маркази ёнида кўчадаги одамларга қарата ўқ узганди. Отишма оқибатида тўрт киши ҳалок бўлганди.
Изоҳ (0)