22 декабрга ўтар кечаси Лондондаги турк ресторанида ўтказилган Рождество зиёфатида 200 га яқин киши ис газидан заҳарланиб, касалхонага ётқизилди, деб хабар бермоқда Daily Mail Англия миллий соғлиқни сақлаш хизмати расмийсига таяниб.
Аноним қолишни истаган касалхона ходими газетага у ишлайдиган муассасасига ётқизилган 40 нафар беморнинг танасида углерод оксиди миқдори юқори эканини айтди.
Daily Mail’нинг таъкидлашича, тадбирга мезбонлик қилган турк ресторани ўз веб-сайти орқали буюртмаларни қабул қилишда давом этмоқда. Ходимлардан бири нашрга углерод оксиди ҳодисасидан хабардор эканини тасдиқлади, бироқ рестораннинг ўзи бу ҳақда изоҳ беришдан бош тортди.
Изоҳ (0)