Ўзбекистонда саёҳат бўйича йил якунларини сарҳисоб қилинди ва аҳоли энг кўп қайси давлатларга боргани аниқланди. Бу ҳақда «Aviasales.uz» хабар бермоқда.
Таҳлилга кўра, халқаро саёҳатлар сони ўтган йилга нисбатан сезиларли даражада ошганини аниқлади.
Бу йил ўзбекистонликлар онлайн тарзда 2 баробар кўп чипта қидирган, брон қилишлар сони эса 3 баробар кўпайган. Саёҳат йўналишларида ҳам ўзгаришлар мавжуд. 2022 йилда рўйхатга учта янги давлат — АҚШ, Жанубий Корея ва Таиланд кирди.
Жорий йилнинг энг яхши халқаро йўналишлари қаторига қуйидагилар киради:
- Россия;
- Туркия;
- Қозоғистон;
- БАА;
- Жанубий Корея;
- АҚШ;
- Таиланд.
Энг оммабоп шаҳарлар рўйхатида 2021 йилдагидек биринчи учта ўринни Москва, Истанбул ва Санкт-Петербург эгаллаган. Рўйхатдаги янги йўналишлар орасида Минск ўрнини эгаллаган Сеул ҳам бор.
2022 йилда чипталарни брон қилиш сони бўйича энг яхши шаҳарлар қаторига қуйидагилар киради:
- Москва;
- Истанбул;
- Санкт-Петербург;
- Тошкент;
- Қозон;
- Новосибирск;
- Сеул;
- Дубай;
- Екатеринбург;
- Олмаота.
Чипта нархлари
2022 йилда етакчи мамлакатларга чипталарнинг ўртача нархи бироз (+4 фоиз) ошди. Машҳур халқаро йўналишларга чипталарнинг ўртача нархи ўтган йили 3,57 млн сўмни, 2022 йилда эса 3,72 млн сўмни ташкил қилган.
Бу йил Россияга чипталар нархи сезиларли даражада пасайган (2021 йилдаги ўртача чипта нархидан -23 фоиз).
2021 йилда Россия шаҳарларига чипталар ўртача 3,8 млн сўмни, 2022 йилда эса 3,1 млн сўмни ташкил қилади.
Ички рейслар
2022 йилда Ўзбекистон бўйлаб саёҳатлар сони 7 баробарга ошди.
Ички йўналишлар бўйича ўртача чипта нархи 14 фоизга ўсди — 2021 йилдаги 310 минг сўмдан 2022 йилда 360 минг сўмгача.
Жорий йилда Тошкент, Урганч, Бухоро, Самарқанд, Нукус шаҳарлари ички йўналишлар орасида биринчи ўринни эгаллади.
2023 йилда орзу қилинган манзиллар
Ўзбекистонликлар кейинги йил учун чипталарни қидириш ва брон қилишда давом этмоқда. Таҳлилчиларга кўра, 2023 йил учун ўзбекистонликлар энг кўп қуйидаги йўналишларга чипта излаган:
- Россия;
- БАА;
- Туркия;
- Таиланд;
- Жанубий Корея;
- Ҳиндистон;
- АҚШ.
Ўзбекистонликлар кейинги йил учун чипта сотиб оладиган давлатлар рўйхати қидирув рўйхатидан бироз фарқ қилади. Унга: Россия, БАА, Ҳиндистон, Туркия, Қозоғистон, Таиланд ва Малайзия киради.
«Бу йил биз Ўзбекистонда сайёҳлик саноати коронавирус чекловларидан тўлиқ қутулганини кўрмоқдамиз. Пандемия даври эса сайёҳларнинг хоҳиш-истакларига таъсир қилди — энди ўзбекистонликлар мамлакат бўйлаб саёҳат қилиши мумкин», — деб тушинтиради Aviasales.uz раҳбари Руслан Баигануров.
Унинг сўзларига кўра, бу йил рўйхатда ниҳоят бир йил аввал бориш қийин бўлган машҳур йўналишлар пайдо бўлган ва аҳоли 2023 йил учун саёҳат чипталарини ҳозирдан банд қилмоқда.
Изоҳ (0)